ସମ୍ବଲପୁର: ଏକ ବଡ ଡକାୟତି ଗ୍ୟାଙ୍ଗକୁ ଗିରଫ କରିଛି ସମ୍ବଲପୁର ପୁଲିସ । ପୁଲିସ ଦ୍ୱାରା ୧୦ ଆନ୍ତଃରାଜ୍ୟ ଡକାୟତ ଗିରଫ ହୋଇଥିବା ବେଳେ ୫ଲକ୍ଷ ୧୨ହଜାର ଟଙ୍କା, ୪୮୦ଗ୍ରାମ ସୁନା, ୧୪ଟି ମୋବାଇଲ ଓ ୫ଟି ବାଇକ ଜବତ କରାଯାଇଛି । ଏହାସହିତ ଦୁଇଟି ବୋଲେରୋ ଓ ଟ୍ରାକ୍ଟର ଜବତ ହୋଇଥିବା ସୂଚନା ମିଳିଛି । ଜବତ ସାମଗ୍ରୀର ମୂଲ୍ୟ ୭୫ଲକ୍ଷ ଟଙ୍କା ହେବ ବୋଲି ସମ୍ବଲପୁର ଏସପି କହିଛନ୍ତି । ଏହି ଗ୍ୟାଙ୍ଗ୍ ପଶ୍ଚିମଓଡ଼ିଶାର ବିଭିନ୍ନ ଜିଲାରେ ଡକାୟତ କରି ଆତଙ୍କ ଖେଳାଇଥିଲା । ଏମାନଙ୍କ ଟାର୍ଗେଟରେ ରାଇସ୍ ମିଲ୍, ପେଟ୍ରୋଲ ପମ୍ପ ଓ ଦେଶମଦ ଭାଟି ରହିଥିଲା । ଗିରଫ ହୋଇଥିବା ଅଭିଯୁକ୍ତଙ୍କ ନାମରେ ବିଭିନ୍ନ ଥାନାରେ ୨୧ଟି ଅପରାଧିକ ମାମଲା ରହିଛି । ସମସ୍ତଙ୍କ ଘର ସମ୍ବଲପୁର ଜିଲାରେ ବୋଲି ଏସପି ସୂଚନା ଦେଇଛନ୍ତି ।
Comments are closed.