ସମ୍ବଲପୁର : ସମ୍ବଲପୁର ରେଳ ମଣ୍ଡଳ ଅର୍ନ୍ତଗତ ସମ୍ବଲପୁର ସିଟି ଷ୍ଟେସନ ଓ ମାନେଶ୍ୱର ଷ୍ଟେସନ ମଧ୍ୟରେ ରହିଥିବା ରେଳ ଧାରଣାରେ ଏକ ଅଜଣା ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ସୋମବାର ସମ୍ବଲପୁର ଜିଆରପି ଥାନା ପକ୍ଷରୁ ଦିଆଯାଇଥିବା ସୂଚନାନୁଯାୟୀ, ଦିନ ପ୍ରାୟ ୨ଟା ସମୟରେ ଏକ ମାଲବାହୀ ରେଳଗାଡି ସମ୍ବଲପୁର ସିଟି ଷ୍ଟେସନ ପଟରୁ ମାନେଶ୍ୱର ଷ୍ଟେସନ ପଟକୁ ଯାଉଥିବା ବେଳେ ଅଚାନକ ଜଣେ ଯୁବକ ଖଇରପାଲି ଅଞ୍ଚଳରେ ରେଳଗାଡି ସମ୍ମୁଖକୁ ଆସିଯିବାରୁ ଧକ୍କା ହୋଇଥିଲା। ଫଳରେ ଯୁବକ ଜଣକ ଘଟଣାସ୍ଥଳରେ ମୃତ୍ୟୁବରଣ କରିଥିଲେ। ଖବର ପାଇ ଜିଆରପି ଘଟଣାସ୍ଥଳକୁ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି। ଏ ନେଇ ଏକ ଅପମୃତ୍ୟୁ ମାମଲା ସମ୍ବଲପୁର ଜିଆରପି ଥାନାରେ ରୁଜୁ କରାଯାଇଛି। ମୃତକଙ୍କ ଆନୁମାନିକ ବୟସ ୨୦ ରୁ ୨୫ ମଧ୍ୟରେ ହୋଇଥିବା ବେଳେ ତାଙ୍କର ପରିଚୟ ପୁଲିସ ଖୋଜିବା ସହିତ ଘଟଣାର ତଦନ୍ତ ଜାରି ରହିଛି ବୋଲି ଜିଆରପି ସୂଚନା ଦେଇଛି।
Popular Categories
Previous article
Next article