ପାଟଣା: ପାଟଣା ଥାନା ଅଞ୍ଚଳ ୨୨୦ ନଂ ଜାତୀୟ ରାଜପଥ ସଂଲଗ୍ନ ଡିଆନାଳୀ ଗ୍ରାମରେ ସିରିଜ ଚୋରୀ ହୋଇଛି।୩ ଟି ଘରେ ପଶି ଚୋରମାନେ ଟଙ୍କା ଓ ଟଙ୍କା ସୁନାଗହଣା ଚୋରୀ କରି ନେଇଛନ୍ତି। ଘରଲୋକେ ବିଲକୁ କାମ କରିବା ପାଇଁ ଯାଇଥିବା ବେଳେ ଚୋର ଗ୍ରୀଲ ତାଡି ଚୋରୀ କରିଛନ୍ତି। ଏନେଇ ପାଟଣା ଥାନାରେ ଲିଖିତ ଅଭିଯୋଗ କରାଯାଇଥିବା ବେଳେ ଥାନା ଏଏସଆଇ ଧନେଶ୍ୱର ପାତ୍ର ଡିଆନାଳୀ ଗ୍ରାମକୁ ଯାଇ ଚୋରି ଘଟଣାର ପ୍ରାଥମିକ ତଦନ୍ତ କରିଛନ୍ତି।
ସୂଚନା ମୁତାବକ ଡିଆନାଳୀ ଗ୍ରାମର ନିଶାକର ମହାନ୍ତଙ୍କ ଗ୍ରୀଲ ତାଡି ଚୋର ପାଖାପାଖି ୬ ଲକ୍ଷ ଟଙ୍କାର ସୁନାଗହଣା ଓ ନଗଦ ୧୦ ହଜାର ୧୨୦ ଟଙ୍କା ନେଇ ଯାଇଥିବା ବେଳେ ତାଙ୍କ ଭାଇ ହୀରାଲାଲ ମହାନ୍ତଙ୍କ ଘରେ ପଶି ୧ ଲକ୍ଷ ୩୦ ହଜାର ଟଙ୍କା ଓ ସୁନାରୁପା ନେଇ ଯାଇଛନ୍ତି। ସେହିପରି ଏକୁଟିଆ ରହିଥିବା ନିଶାକରଙ୍କ ମାଆ ପତି ମହାନ୍ତଙ୍କ ଘରେ ପଶି ଗହଣା ଓ ଟଙ୍କା ସେମାନେ ଚୋରୀ କରିନେଇଥିବା ଥାନାରେ ଅଭିଯୋଗ ହୋଇଛି।
Comments are closed.