ସମ୍ବଲପୁର: ସମ୍ବଲପୁର ଜିଲା ବରିଷ୍ଠ ନାଗରିକ ସମାଜ ତରଫରୁ ସ୍ଥାନୀୟ ବାଉଁଶରା ସ୍ଥିତ କଲ୍ୟାଣ ଆଶ୍ରମ ନିକଟସ୍ଥ ସବରୀ ନାରାୟଣ ମନ୍ଦିର ଅଞ୍ଚଳରେ ବୃକ୍ଷରୋପଣ କରାଯାଇଛି । ସଂଘର ସଦସ୍ୟ ଗୋପ ନାରାୟଣ ଦୁବେ ଓ ଅର୍ଜୁନ ରଞ୍ଜନ ପଣ୍ଡାଙ୍କ ନେତୃତ୍ୱରେ ମନ୍ଦିରର ଚର୍ତୁପାର୍ଶ୍ବରେ ୫୧ଟି ନିମ୍ବ ବୃକ୍ଷ ରୋପଣ କରାଯାଇଛି । କାର୍ଯ୍ୟକ୍ରମରେ ରାମନାରାୟଣ ସେଠ, ଯତିନ୍ଦ୍ର ମୋହନ ପୂଜାରୀ, ନିର୍ମଳ କୁମାର ମାଇତି, ପ୍ରିୟରଞ୍ଜନ ପାଢ଼ୀ, କୈଳାସ ମିସ୍ତ୍ରୀ, ଫଗୁ ମୁଣ୍ଡା, ଅଭିଜିତ ମୁଣ୍ଡା, ମନ୍ଦିର ପରିଚାଳନା କମିଟିର ପର୍ଶୁରାମ ଭୋଇ ଓ ଅନ୍ୟ ସଦସ୍ୟ ମାନେ ଅଂଶ ଗ୍ରହଣ କରିଥିଲେ । ମନ୍ଦିର ପରିଚାଳନା କମିଟି ବୃକ୍ଷ ଗୁଡିକର ରକ୍ଷଣାବେକ୍ଷଣ କାର୍ଯ୍ୟ ସମ୍ପାଦନ କରିବାକୁ ପ୍ରତିଶ୍ରୁତି ଦେଇଛନ୍ତି । ସଂଘ ତରଫରୁ ବ୍ୟାପକ ବୃକ୍ଷରୋପଣ କାର୍ଯ୍ୟକ୍ରମ କରାଯାଉଥିବା ବେଳେ ଆଗାମୀ ଦିନରେ ମଧ୍ୟ ବୃକ୍ଷରୋପଣ ଏବଂ ସେଗୁଡିକର ରକ୍ଷଣାବେକ୍ଷଣ କାର୍ଯ୍ୟ କରାଯିବାର ଯୋଜନା ରହିଛି ବୋଲି ସୂଚନା ଦିଆଯାଇଛି ।
Comments are closed.