ସମ୍ବଲପୁର: ସମ୍ବଲପୁରର ପୁରତାନ ବରିଷ୍ଠ ନାଗରିକ ସଙ୍ଗଠନ ହୀରାଖଣ୍ଡ ନାଗରିକ ପରିଷଦର ଜୁନ ମାସର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ସ୍ଥାନୀୟ ମ୍ୟୁନିସିପାଲିଟି ଛକ ଠାରେ ସ୍ଥିତ ସାମ୍ବାଦିକ ଭବନର ପ୍ରଶାନ୍ତ ମହାନ୍ତି ସମ୍ମିଳନୀ କକ୍ଷରେ ଆୟୋଜିତ ବୈଠକରେ ଗଙ୍ଗାଧର ମେହେର ବିଶ୍ୱବିଦ୍ୟାଳୟର କୂଳପତି ପ୍ର. ଏନ. ନାଗରାଜୟ ଏବଂ ରେଜିଷ୍ଟାର ଯୁଗଳେଶ୍ୱରୀ ଦାସ ଅତିଥି ରୁପେ ଯୋଗ ଦେଇଥିଲେ । ପରିଷଦର ସଭାପତି ଡା. ଜୟଦେବ ମେହେର ଙ୍କ ସଭାପତିତ୍ୱରେ ଆୟୋଜିତ ଏହି ବୈଠକରେ ଅତିଥି ପ୍ର. ନାଗରାଜୁ ବିଶ୍ୱବିଦ୍ୟାଳୟର ବିଭିନ୍ନ ଉନ୍ନୟନ କାର୍ଯ୍ୟକ୍ରମ ସଂକ୍ରାନ୍ତରେ ବିଶଦ ବିବରଣୀ ଉପସ୍ଥାପନ ସହିତ ବିଶ୍ୱବିଦ୍ୟାଳୟର ଉନ୍ନତି ପାଇଁ ପରିଷଦର ସହଯୋଗ କାମନା କରିଥିଲେ।
ଖୁବଶୀଘ୍ର ଛାତ୍ରାବାସ ସମେତ ସମଗ୍ର ବିଶ୍ୱବିଦ୍ୟାଳୟ ପରିସରକୁ ୱାଇଫାଇ ସେବା ଯୋଗାଇ ଦିଆଯିବ ବୋଲି ପ୍ର. ନାଗରାଜୁ କହିଥିଲେ । ସମ୍ପାଦକ ଡ. ନନ୍ଦ କିଶୋର ଦେବତା ନୂତନ କର୍ପୋରେଟ ବଡିର ସହାଯୋଗ ନେବା ପାଇଁ ଅନୁରୋଧ କରିବା ସହିତ ପରିଷଦର ପୂର୍ବତନ ଅଧ୍ୟାପକ ଓ ପ୍ରଧ୍ୟାପକ ମାନେ ସହାୟତା କରିବାକୁ ପ୍ରସ୍ତୁତ ବୋଲି ଜଣାଇଥିଲେ। ବୈଠକରେ ଅନ୍ୟ ମାନଙ୍କ ମଧ୍ୟରେ ଡା. ନାରାୟଣୀ ପଣ୍ଡା, ସୁଦର୍ଶନ ପୂଜାରୀ, ମୀନକେତନ ପାଠୀ, ସୁବାସ ପାଣିଗ୍ରାହୀଙ୍କ ସମେତ ଅନେକ ସଦସ୍ୟ ଓ ସଦସ୍ୟା ଉପସ୍ଥିତ ରହିଥିଲେ। ଶେଷରେ ନିର୍ମଳ କୁମାର ମାଇତି ଧନ୍ୟବାଦ ଅର୍ପଣ କରିଥିଲେ।
