ସମ୍ବଲପୁର: ସାରା ରାଜ୍ୟରେ ଏବେ ପ୍ରବଳ ରୌଦ୍ରତାପ ଅନୁଭୂତ ହେଉଥିବା ବେଳେ ବିଭିନ୍ନ କାର୍ଯ୍ୟରେ ଯାତାୟାତ କରୁଥିବା ଜନତାଙ୍କ ପାଇଁ ଥଣ୍ଡା ବିଶୁଦ୍ଧ ପାନୀୟ ଜଳର ଆବଶ୍ୟକତା ରହିଛି । ଗ୍ରୀଷ୍ମ ଋତୁରେ ଥଣ୍ଡା ପାନୀୟ ଜଳର ଆବଶ୍ୟକତାକୁ ହୃହୟଙ୍ଗମ କରି ସ୍ୱେଚ୍ଛାସେବୀ ଅନୁଷ୍ଠାନ ବି. ପ୍ର. ଫାଉଣ୍ଡେସନ ସମ୍ବଲପୁର ଶାଖା ତରଫରୁ ଧନୁପାଲି ଛକ ଠାରେ ଏକ ଥଣ୍ଡା ପାନୀୟ ଜଳ ଯନ୍ତ୍ର ସମସ୍ତଙ୍କ ପାଇଁ ସ୍ଥାପିତ କରାଯାଇଛି । ସମ୍ବଲପୁରର ଅନ୍ୟତମ ପ୍ରମୁଖ ପ୍ରବେଶ ଦ୍ୱାର ଧନୁପାଲି ଛକରେ ସବୁବେଳେ ଗହଳି ଲାଗି ରହିଥିବା ବେଳେ ଲୋକେ ପାଣି ମୁନ୍ଦିଏ ପାଇଁ ହନ୍ତସନ୍ତ ହେଉଥିବାରୁ ସ୍ୱେଚ୍ଛାସେବୀ ଅନୁଷ୍ଠାନ ପକ୍ଷରୁ ଏହି ମାନବୀୟ ପଦକ୍ଷେପ ନିଆଯାଇଛି । ଏଥି ପାଇଁ ଅନୁଷ୍ଠାନର ପୃଷ୍ଠପୋଷକ ଓମଁ ପ୍ରକାଶ ତିୱାରୀ ତାଙ୍କର ପିତ୍ରୁ ପୁରୁଷଙ୍କ ସ୍ମୃତିରେ ଏହି ଥଣ୍ଡା ପାନୀୟ ଜଳ ଯନ୍ତ୍ର ଦାନ କରିଛନ୍ତି । ଏହି ଜଳ ଯନ୍ତ୍ରର ଉଦଘାଟନ ସମୟରେ ସ୍ୱେଚ୍ଛାସେବୀ ଅନୁଷ୍ଠାନର ସଦସ୍ୟ ମାନଙ୍କ ସମେତ ଜନତା ଉପସ୍ଥିତ ରହିଥିଲେ ।
Comments are closed.