ନବରଙ୍ଗପୁର: ନବରଙ୍ଗପୁର ପୌରପାଳିକା ଗାନ୍ଧୀନଗର ଅଞ୍ଚଳର ନିୟନ୍ତ୍ରୀତ ବଜାର କମିଟି(ଆରଏମସି)ର ମୁଖ୍ୟ ଉତ୍ତରଫାଟକ ଆଗରେ ନାଳର ନର୍ଦ୍ଦମା ଅଳିଆ ପାଣି ପ୍ରଭାବିତ ହୋଇ ଜନସାଧାରଣ ହଇରାଣ ହରକତ ହେଉଥିବା ସଂପର୍କୀତ ସବିଶେଷ ଖବର ଗତ ୬ ତାରିଖ “ସମାଜ”ର ସହର ସମସ୍ୟା ପୃଷ୍ଠାରେ ପ୍ରକାଶିତ ହୋଇଥିଲା। ଏହାକୁ ନେଇ କେତେକ ବ୍ୟକ୍ତି ମୁଖ୍ୟମନ୍ତ୍ରୀଙ୍କୁ ଟୁଇଟ୍ କରି ଅଭିଯୋଗ କରିଥିଲେ। ଏହାପରେ ପୌରପାଳିକାର ଦିନ ଭାଙ୍ଗିଛି। ଗତ ଦୁଇଦିନ ହେଲା ବୁଲଡୋଜର୍ ସାହାର୍ଯ୍ୟରେ ନାଳ ଖୋଳିବା ସହ ପୋତି ହୋଇଥିବା ନାଳକୁ ସଫା କରାଯାଉଛି। ଏହି ଅଞ୍ଚଳବାସୀ ବାରମ୍ବାର ପୌରପାଳିକା ନିକଟରେ ଅଭିଯୋଗ କରୁଥିଲେ ମଧ୍ୟ କୈାଣସି ପଦକ୍ଷେପ ନିଆଯାଇନଥିଲା। “ସମାଜ”ରେ ଏ ସଂପର୍କୀତ ସବିଶେଷ ଖବର ସଚିତ୍ର ପ୍ରକାଶିତ ହେବା ପରେ ପୌରପାଳିକା ଚେଇଁ ଉଠିଛି। ସହରରେ ଅଳିଆ ଆବର୍ଜନା ବୃଦ୍ଧି ପାଉଥିଲେ ମଧ୍ୟ ସାହି ବାସିନ୍ଦାମାନେ ବାରମ୍ବାର ଅଭିଯୋଗ ପରେ ମଧ୍ୟ ପଦକ୍ଷେପ ନିଆଯାଉ ନାହିଁ। ତେବେ ଖବର ପ୍ରକାଶିତ ପରେ ସାହିବାସିନ୍ଦାମାନେ “ସମାଜ” କୁ ଧନ୍ୟବାଦ ଜଣାଇଛନ୍ତି।
Comments are closed.