ଶେଷ ହୋଇଛି ନିର୍ବାଚନ-୨୦୨୪। ଇଭିଏମରେ ବନ୍ଦ ହୋଇଯାଇଛି ଫଳାଫଳ। ସରିଯାଇଛି ଗହଳଚହଳ। ତେବେବଢି ଚ଼ାଲିଛି ଲୋକଙ୍କ ଉତ୍କଣ୍ଠା; ନେତା ଓ କର୍ମୀଙ୍କ ହୃଦସ୍ପନ୍ଦନ। ଅନ୍ୟ ନିର୍ବାଚନ ତୁଳନାରେ ଚଳିତ ନିର୍ବାଚନ ବିଭିନ୍ନ ଦୃଷ୍ଟିକୋଣରୁ ଭିନ୍ନ ଥିଲା। ଏତେ ନେତା ଓ କର୍ମୀଙ୍କ ଦଳବଦଳ ପୂର୍ବରୁ କେବେ ଦେଖିବାକୁ ମିଳି ନଥିଲା। ନିର୍ବାଚନ ଘୋଷଣା ପରଠାରୁ ଆରମ୍ଭ ହୋଇଥିବା ଦଳବଦଳ ପାଲା ଚାଲିଥିଲା। ବହୁ ଟିକଟ ଅଶାୟୀ ଦଳ ବଦଳ କରି ନଥିଲେ ସୁଦ୍ଧା ଦଳ ସପକ୍ଷରେ ମଧ୍ୟ ବାହାରି ନଥିଲେ। ସେହିପରି ତିନି ପ୍ରମୁଖ ଦଳ ଚଳିତ ନିର୍ବାଚନକୁ ନିଜର ସମ୍ମାନର ପ୍ରଶ୍ନ ମନେ କରି ନିର୍ବାଚନ ଲଢ଼ୁ ଥିବା ଦେଖିବାକୁ ମିଳିଥିଲା।
ବିଶେଷ ଭାବେ ବିଜେଡି- ବିଜେପି ଦୁଇ ଦଳ ମଧ୍ୟରେ ମେଣ୍ଟ ହେବବୋଲି ଦୀର୍ଘ ଦିନର ଆଲୋଚନା ପର୍ଯ୍ୟାଲୋଚନା ପରେ ଯେଭଳି ଭାବେ ଆରୋପ-ପ୍ରତ୍ୟାରୋପରେ ନିର୍ବାଚନ ଲଢ଼ିଲେ ତାହା ଚଳିତ ନିର୍ବାଚନର ଅନ୍ୟତମ ପ୍ରମୁଖ ଚର୍ଚ୍ଚାର ବିଷୟ ଥିଲା। ସ୍ଥାନୀୟ ସମସ୍ୟା ସହବିଭିନ୍ନ ପ୍ରସଙ୍ଗ ନିର୍ବାଚନ ଫଳାଫଳର ଗଣିତ ଓଲଟପାଲଟ କରି ଦେଇଥିବା କୁହାଯାଉଛି। ଏଭଳି ସ୍ଥିତିରେ ଦୈନିକ ‘ସମାଜ’ ବିଭିନ୍ନ ବର୍ଗର ଲୋକଙ୍କୁନେଇ ଜନମତ ସଂଗ୍ରହ କରିଛି। ଆଜି ପ୍ରଥମ ପର୍ଯ୍ୟାୟରେ ୭ଟି ବିଧାନସଭା ଏବଂ ଏହା ଅନ୍ତର୍ଗତ ୪୯ଟି ବିଧାନସଭାରେ କିଏ ଆଗରେ ଏବଂ କାହା ସହ କଡ଼ା ମୁକାବିଲା ତାହା ଉପସ୍ଥାପନ କରାଯାଇଛି।
Comments are closed.