ଧୁମ-୪ କ’ଣ ପାଇଁ ଛାଡିଲେ ସଲମନ ଖାନ? ଜାଣନ୍ତୁ ଏହାର ରହସ୍ୟ

ମୁମ୍ବଇ : ୟଶରାଜ ବ୍ୟାନରରେ ନିର୍ମିତ ଲୋକପ୍ରିୟ ଚଳଚ୍ଚିତ୍ର ସିରିଜ ‘ଧୁମ’ ସବୁ ସମୟରେ ଚର୍ଚ୍ଚାରେ ରହିଥାଏ। ଏହାର ଚତୁର୍ଥ ସିରିଜ ତଥା ‘ଧୁମ-୪’ ବହୁଶୀଘ୍ର ମୁକ୍ତିଲାଭ କରିବାକୁ ଯାଉଛି। ପ୍ରତି ‘ଧୁମ’ ଚଳଚ୍ଚିତ୍ରରେ ଚୋର ଭୂମିକାକୁ ସବୁ ସମୟରେ ପରିବର୍ତ୍ତନ କରାଯାଏ। କିନ୍ତୁ ପୁଲିସ ଭୂମିକାରେ ଅଭିନୟ କରୁଥିବା ଅଭିଷେକ ବଚ୍ଚନ ଓ ଆଦିତ୍ୟ ଚୋପ୍ରାଙ୍କୁ କେବେ ବି ପରିବର୍ତ୍ତନ କରାଯାଏ ନାହିଁ। ଚଳିତ ‘ଧୁମ-୪’ରେ ଅଭିନେତା ସଲମନ ଖାନ ଅଭିନୟ କରିବା ନେଇ ଗୁଜବ ସୃଷ୍ଟି ହୋଇଥିଲା। କିନ୍ତୁ କିଛିଦିନ ପରେ ଅଭିନେତା ସଲମନ ଏହି ଚଳଚ୍ଚିତ୍ର କରୁନାହାନ୍ତି ବୋଲି ସୂଚନା ମିଳିଥିଲା।
ନିକଟରେ ଏକ ସାକ୍ଷାତକାରରେ ସଲମନ କହିଥିଲେ, ‘ମୋର ପ୍ରଶଂସକ ମାନେ ମତେ ଆଖିବନ୍ଦ କରି ଭରସା କରନ୍ତି। ତେଣୁ ମୁଁ କୌଣସି ନକରାôତମ ଚରିତ୍ର କରିବାକୁ ଚାହୁଁନାହିଁ’।
ଅଭିନେତା ଅଭିଷେକ ବଚ୍ଚନଙ୍କୁ ଏହି ଚଳଚ୍ଚିତ୍ରରୁ ବାହାର କରିବା ପାଇଁ ସଲମନ ଚାହୁଁଥିଲେ। କିନ୍ତୁ ଅଭିଷେକ ଏକ ମୁଖ୍ୟ ଭୂମିକାରେ ଅଭିନୟ କରୁଥିବା ନେଇ ସେ ଚଳଚ୍ଚିତ୍ରରରୁ ବାହାରି ନଥିଲେ। ଯାହାଫଳରେ ସଲମନ ଏହି ଚଳଚ୍ଚିତ୍ର ଛାଡିଥିବା ଗୁଜବ ସୃଷ୍ଟି ହୋଇଥିଲା।
‘ଧୁମ-୪’ ଚଳଚ୍ଚିତ୍ର ପାଇଁ ବର୍ତ୍ତମାନ ନିର୍ଦ୍ଦେଶକ ଅଭିନେତା ରଣବୀର କାପୁର, ଶାହାରୁଖ ଖାନ ଆଦି କଳାକାରଙ୍କୁ ସମ୍ପର୍କ କରାଯାଉଥିବା ସୂଚନା ଦେଇଛନ୍ତି।