ନୂଆଦିଲ୍ଲୀ: ଶୀତଳ ଯୁଦ୍ଧ ସମୟରେ ଆମେରିକା ସହିତ ହୋଇଥିବା ଏକ ପ୍ରମୁଖ ଚୁକ୍ତିରୁ ଓହରିଯିବା ପାଇଁ ରୁଷ ନିଷ୍ପତ୍ତି ନେଇଛି। କ୍ରେମ୍ଲିନ୍ ପକ୍ଷରୁ ମିଳିଥିବା ସୂଚନା ଅନୁଯାୟୀ ୧୯୮୭ ମସିହାରେ ସୋଭିଏତ୍ ୟୁନିୟନ୍ ଏବଂ ଆମେରିକା ମଧ୍ୟରେ ମଧ୍ୟମ ଦୂରଗାମୀ ପରମାଣୁ ଶକ୍ତିର ବ୍ୟବହାରକୁ ନେଇ ହୋଇଥିବା ଆଇଏନ୍ଏଫ୍ ଚୁକ୍ତିରୁ ରୁଷ୍ ଓହରିଯିବା ସଂକ୍ରାନ୍ତ ଆଦେଶରେ ରାଷ୍ଟ୍ରପତି ଭ୍ଲାଡିମିର୍ ପୁତିନ୍ ସ୍ୱାକ୍ଷର କରିଛନ୍ତି। ଯୁକ୍ତରାଷ୍ଟ୍ର ଆମେରିକା ରାଜିନାମାରେ ଥିବା ସର୍ତ୍ତକୁ ଲଂଘନ କରିଥିବା ପରିପ୍ରେକ୍ଷୀରେ ରୁଷ୍ ପକ୍ଷରୁ ଏହି ପଦକ୍ଷେପ ନିଆଯାଇଛି। ବାରଣ ସତ୍ୱେ ମସ୍କୋ ଏବଂ ୱାଶିଂଟନ୍ ପରସ୍ପରକୁ ଏହି ଆଇଏନ୍ଏଫ୍ ଚୁକ୍ତିର ଲ୍ଲଂଘନ କରୁଥିବା ଅଭିଯୋଗ କରିଆସୁଛନ୍ତି। ତେବେ ଗତ ଫେବୃଆରୀ ମାସରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ କହିଥିଲେ ଯେ ୬ ମାସ ମଧ୍ୟରେ ଏହି ଚୁକ୍ତିରୁ ଓହରିବା ପାଇଁ ଆମେରିକା ପଦକ୍ଷେପ ନେବ।
