ନୂଆଦିଲ୍ଲୀ: ରାଜଧାନୀର ରୋହିଣୀସ୍ଥିତ ଅଦାଲତରେ ବିପକ୍ଷ ଗୋଷ୍ଠୀର ଗୁଳିରେ ଜଣେ କୁଖ୍ୟାତ ଅପରାଧୀର ମୃତ୍ୟୁର ଦିନକ ପରେ ଘଟଣାର କ୍ରାଇମବ୍ରାଞ୍ଚ ତଦନ୍ତ ନିର୍ଦେଶ ଦିଆଯାଇଛି। ଏଥିସହିତ ପୁଲିସ ଆୟୁକ୍ତ ରାକେଶ ଆସ୍ଥାନା ଶନିବାର ଏକାବେଳକରେ ୧୧ ବରିଷ୍ଠ ଆଇପିଏସ୍ ଅଧିକାରୀଙ୍କ ବଦଳି କରିଛନ୍ତି। ଏମାନଙ୍କ ବ୍ୟତୀତ ୨୯ ପୁଲିସ ଅଧିକାରୀଙ୍କୁ ମଧ୍ୟ ବଦଳି କରାଯାଇଛି। ରାଜଧାନୀର ଆଇନଶୃଙ୍ଖଳା ପରିସ୍ଥିତି ତଦାରଖ ଦାୟିତ୍ବରେ ପୂର୍ବରୁ ତିନି ଅଧିକାରୀ ବା ସ୍ବତନ୍ତ୍ର ଆୟୁକ୍ତ ରହୁଥିବାବେଳେ ଏଣିକି ଏହି ସଂଖ୍ୟା ଦୁଇକୁ ହ୍ରାସ କରାଯାଇଛି। ଆସ୍ଥାନାଙ୍କ ଏହି ପଦକ୍ଷେପକୁ ଉପରାଜ୍ୟପାଳ ଅନିଲ ବୈଜଲ ଅନୁମୋଦନ କରିଛନ୍ତି।
Comments are closed.