ରେଙ୍ଗାଲିକ୍ୟାମ୍ପ: ବରଗଡ ଜିଲା ଅତାବିରା ଥାନା ଅନ୍ତର୍ଗତ ସରଣ୍ଡା ଛକଠାରେ ସମ୍ବଲପୁର ପଟୁ ବରଗଡ ଅଭିମୁଖେ ଯାଉଥିବା ଏକ ପିକଅପ୍ ଗାଡ଼ି ହମ୍ପ୍ସରେ ବ୍ରେକ ଦେବାରୁ ପଛ ପଟୁ ଆସୁଥିବା ଦୁଇଟି ବାଇକ୍ ପିକ୍ଅପ୍ ସହ ଧକ୍କା ହୋଇଛି। ଫଳରେ ଉଭୟ ବାଇକ୍ ଆରୋହୀ ଛିଟିକି ପଡ଼ିଥିଲେ। ସ୍ଥାନୀୟ ଲୋକେ ବାଇକ୍ ଆରୋହୀ ଦ୍ବୟଙ୍କୁ ସେବା ଯୋଗାଇ ପୁଲିସକୁ ଖବର ଦେଇଥିଲେ। ଘଟଣା ସ୍ଥଳରେ ଅତାବିରା ପୁଲିସ ପହଞ୍ଚି ଉଭୟ ଗୁରୁତର ବାଇକ୍ ଆରୋହୀଙ୍କୁ ପୁଲିସ ଗାଡ଼ିରେ ଅତାବିରା ସ୍ବାସ୍ଥ୍ୟକେନ୍ଦ୍ରକୁ ଆଣି ପ୍ରାଥମିକ ଚିକିତ୍ସା କରାଇଥିଲେ। ବାଇକ୍ ଆରୋହୀ ଦ୍ବୟ ଅତାବିରା ଥାନା କୁଳିତା ଟୁକୁରାର ପରେଶ କୁମାର ସାହୁ(୪୦) ଓ ବରଗଡ ଆଶା କିରନ୍ରେ ରହୁଥିବା ହିତେଶ ମହାପାତ୍ର(୩୫) ବୋଲି ପୁଲିସ ପକ୍ଷରୁ ଜଣାପଡ଼ିଛି। ଉଭୟଙ୍କ ମଧ୍ୟରୁ ପରେଶଙ୍କ ଗୋଡ଼ ଓ ହିତେଶଙ୍କ ହାତ ଭାଙ୍ଗିଥିବା ସୂଚନା ମିଳିଛି। ଅବସ୍ଥା ଗୁରୁତର ଥିବାରୁ ସେମାନଙ୍କୁ ବୁର୍ଲା ଡାକ୍ତରଖାନାକୁ ପଠାଇ ଦିଆଯାଇଛି। ଏଥିସହ ବାଇକ୍ ସହ ପିକଅପ୍କୁ ଜବତ କରି ଅଧିକରୁ ଅଧିକ ତଦନ୍ତ ଜାରି ରଖିଛି ପୁଲିସ।
Comments are closed.