ରେଙ୍ଗାଲି: ସମ୍ବଲପୁର ସହର ଉପକଣ୍ଠ ସିନ୍ଦୁରପଙ୍କ ଛକରୁ ଠେମରା, ପରମାଣପୁର, ଝାଙ୍କରପାଲି ସୋଢାମାଲ ଆଦି ଗ୍ରାମ ଦେଇ ଝାଡ଼ଖଣ୍ଡ ରାଜଧାନୀ ରାଞ୍ଚିକୁ ସଂଯୋଗ କରୁଥିବା ବ୍ରିଟିଶ ଶାସନ ଅମଳର ରାସ୍ତା ପୁରୁଣା ରାଞ୍ଚିରୋଡ୍ର ଖିଣ୍ଡାପଡା ପାଖ ପୋଲ ଏବଂ ଲୁହାଖଣ୍ଡି ମଝିରେ ଏକ ଗର୍ତ୍ତ ସୃଷ୍ଟି ହୋଇଛି। ଫଳରେ ଏହି ରାସ୍ତା ଦେଇ ଯାତାୟତ କରୁଥିବା ଯାତ୍ରୀ ଦୁର୍ଘଟଣାର ଶିକାର ହୋଇ ଆହତ ହେଉଛନ୍ତି। ଆଜି ଏହି ଗର୍ତ୍ତରେ ପଡ଼ି ଦୁଇ ଜଣ ବାଇକ୍ ଆରୋହୀ ଆହତ ହୋଇଥିବାର ଦେଖିବାକୁ ମିଳିଥିଲା। ଦୀର୍ଘ ଦିନ ହେଲା ରାସ୍ତା ମଝିରେ ଥିବା ଏହି ଗର୍ତ୍ତ ଦୁର୍ଘଟଣାକୁ ହାତ ଠାରି ଆମନ୍ତ୍ରଣ କରୁଥିଲେ ବି ପୂର୍ତ୍ତ ବିଭାଗ ଏହାର ମରାମତି କରୁ ନଥିବାରୁ ଜନସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଉଛି। ବିଭାଗୀୟ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟିଦେଇ ଶୀଘ୍ର ମରାମତି ବ୍ୟବସ୍ଥା କରିବାକୁ ଦାବି ହେଉଛି।
ସୂଚନାଯୋଗ୍ୟ, ଏହି ରାସ୍ତା ଉପରେ ସମ୍ବଲପୁର, ଝାରସୁଗୁଡା ଏବଂ ସୁନ୍ଦରଗଡ ଜିଲା ସମେତ ଝାଡ଼ଖଣ୍ଡ ରାଜ୍ୟର ଜନସାଧାରଣ ଯାତାୟତ ପାଇଁ ନିର୍ଭର କରିଥାନ୍ତି।
Comments are closed.