ରେଙ୍ଗାଲିକ୍ୟାମ୍ପ: କେନ୍ଦ୍ର ସରକାର ଙ୍କ ଅମୃତ ଭାରତ ଷ୍ଟେସନ ଯୋଜନା ରେ ଅନ୍ତର୍ଭୁକ୍ତ କରି ଅତାବିରା ବ୍ଳକ ଗୋଡଭଗା ପଞ୍ଚାୟତ ଅନ୍ତର୍ଗତ ଚକୁଳିଫାର୍ମ ଦେଇ ଯାଇଥିବା ପୂର୍ବତଟ ରେଳପଥରେ ୩ କୋଟି ୨୮ ଲକ୍ଷ ବ୍ୟୟ ଅଟକଳ ମୂଲ୍ୟରେ ରେଲୱେ ଅଣ୍ଡରପାସ ନିର୍ମାଣ କରିବା ପାଇଁ ଆଜି ଭିଡିଓ କନଫରେନ୍ସ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶିଳାନ୍ୟାସ କରିଛନ୍ତି।
ଏହି ଅବସରରେ ସମ୍ବଲପୁର ରେଲୱେ ବିଭାଗର ସିନିୟର ଡିଭିଜନାଲ ଇଂଜିନିୟର ସେଣ୍ଟ୍ରାଲ ଏମ ଶ୍ରୀନିବାସ ରାଓଙ୍କ ସଭାପତିତ୍ୱରେ ଏକ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା।ସରପଞ୍ଚ ମଞ୍ଜୁଲତା ସେଟ ଅତିଥି ଭାବେ ଯୋଗ ଦେଇଥିଲେ। ଏହି ଅମୃତ ଭାରତ ଷ୍ଟେସନ ଯୋଜନା ମାଧ୍ୟମରେ ୨୩୨୦ କୋଟି ଟଙ୍କା ବ୍ୟୟ ଅଟକଳରେ ଓଡ଼ିଶାରେ ଆଜି ଏହିପରି ୨୧ ଟି ଷ୍ଟେସନ ଓ ୫୨ ଟି ରୋଡ ଓଭର ବ୍ରିଜ ନିର୍ମାଣ ପାଇଁ ଭିତ୍ତିପ୍ରସ୍ତର ସ୍ଥାପନ କରାଯାଇଛି।
ଆଧୁନିକ ସଂଯୋଗ କୁ ସୁନିଶ୍ଚିତ କରିବା ପାଇଁ ଦେଶରେ ରେଳପଥ ର ବିକାଶ ଓ ସୁରକ୍ଷିତ ଯାତାୟାତ ପାଇଁ କେନ୍ଦ୍ର ସରକାର ସ୍ବତନ୍ତ୍ର ଦୃଷ୍ଟି ଦେଉଛନ୍ତି ବୋଲି ମାନ୍ୟବର ପ୍ରଧାନ ମୋଦି ଶ୍ରୀଯୁକ୍ତ ନରେନ୍ଦ୍ର ମୋଦି ତାଙ୍କର ବକ୍ତବ୍ୟରେ ପ୍ରକାଶ କରିଥିଲେ ।ଏହି ଅବସରରେ ନିକଟରେ ଥିବା କୋଶଳ ସ୍କୁଲର ଛାତ୍ରଛାତ୍ରୀଙ୍କୁ ନେଇ ପୂର୍ବରୁ ହୋଇଥିବା ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା।ଏହା ସହିତ ସାଂସ୍କୃତିକ କାର୍ଯ୍ୟକ୍ରମ ପରିବେଶିତ ହୋଇଥିଲା।ରେଲୱେ ବିଭାଗର ଅଧିକାରୀ ଓ କର୍ମଚାରୀ ମାନେ ପରିଚାଳନାରେ ସହଯୋଗ କରିଥିଲେ।ଏହାଦ୍ବାରା ଉପକୃତ ହେଉଥିବା ଅଞ୍ଚଳର ଜନସାଧାରଣ ,ଛାତ୍ରଛାତ୍ରୀ ଉପସ୍ଥିତ ରହିଥିଲେ।
