ରେଙ୍ଗାଲିକ୍ୟାମ୍ପ: ଅତାବିରା ଅନ୍ତର୍ଗତ ସରଣ୍ଡା ଛକର ଜାତୀୟ ରାଜପଥ(୫୩)ରେ ମାଆ ଓ ପୁଅ ଯାଉଥିବା ବାଇକକୁ ଦୃତ ଗତିରେ ଆସୁଥିବା ଅନ୍ୟ ଏକ ବାଇକ ଧକ୍କା ଦେଇଥିଲା। ଫଳରେ ମାଆ ଓ ପୁଅ ଛିଟିକି ପଡ଼ିଥିଲେ। ଖବର ପାଇ ଘଟଣା ସ୍ଥଳରେ ପୁଲିସ, ପରିବାରବର୍ଗ ଓ ସ୍ଥାନୀୟ ବାସିନ୍ଦା ପହଞ୍ଚି ସେମାନଙ୍କୁ ଅତାବିରା ଡାକ୍ତରଖାନାକୁ ଆଣିଥିଲେ। ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ଡାକ୍ତର ଯାଞ୍ଚ କରି ମାଆ ସୁବାସିନୀ ଭୋଇ(୬୮)ଙ୍କୁ ମୃତ ଘୋଷଣା କରିଥିଲେ। ପୁଅ ପ୍ରକାଶ ଭୋଇ(୪୫) ଚିକିତ୍ସାଧୀନ ଅଛନ୍ତି। ଦୁର୍ଘଟଣାର ଶିକାର ହୋଇଥିବା ମାଆ ଓ ପୁଅ ଲରସରା ପଞ୍ଚାୟତ ଖଇରପାଲି ଗ୍ରାମ ପୁଆଲପଡା ଟିକ୍ରାର ବୋଲି ଜଣାପଡ଼ିଛି। ଧକ୍କା ଦେଇଥିବା ବାଇକ ଚାଳକ ଉତ୍ତରପ୍ରଦେଶ ରାଜ୍ୟ ମିରଟ ଜିଲ୍ଲାର ମହମ୍ମଦ ସୋୟେଦ(୩୨) ବୋଲି ଜଣାପଡ଼ିଛି। ବାଇକକୁ ଜବତ କରାଯାଇଛି। ଧକ୍କା ଦେଇଥିବା ବାଇକ ଚାଳକକୁ ଥାନାରେ ଅଟକ ରଖାଯାଇ ତଦନ୍ତ ଜାରି ରହିଥିବା ପୁଲିସ ପକ୍ଷରୁ ସୂଚନା ମିଳିଛି।
Comments are closed.