ରେଙ୍ଗାଲିକେମ୍ପ: ଅତାବିରା ବ୍ଲକ ଜହ୍ନାପଡା ପଞ୍ଚାୟତ ଅନ୍ତର୍ଗତ ବରାହମୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟରେ ଶିଶୁ ଦିବସ ଉପଲକ୍ଷେ ଏକ କୌତୁକ ବେଶ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସାନ୍ତରା ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ ଏହି ପ୍ରତିଯୋଗିତାରେ ପିଲାମାନେ ଅତ୍ୟନ୍ତ ଉତ୍କଣ୍ଠାର ସହ ବିଭିନ୍ନ ପ୍ରକାରର ବେଶ ପୋଷାକ ପରିଧାନ କରିଥିଲେ । ପ୍ରତିଯୋଗିତାର ଉଦ୍ଦେଶ୍ୟ ହେଲା ପିଲାମାନେ ଭିନ୍ନ ଭିନ୍ନ ପ୍ରକାରର ବେଶ ପୋଷାକ ସହ ପରିଚିତ ହେବେ, ପୋଷାକ ପିନ୍ଧିବା ଶୈଳୀକୁ ଜାଣିବେ ଓ ତା ସହିତ ତାକୁ ପରିଧାନ କରୁଥିବା ବ୍ୟକ୍ତିତ୍ଵ ମାନଙ୍କ ବିଷୟରେ ଅବଗତ ହେବେ ବୋଲି ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ପ୍ରଧାନ କହିଥିଲେ । ଏହା ମାଧ୍ୟମରେ ପିଲାମାନଙ୍କ ମଧ୍ୟରେ ଏକ ସୃଜନଶୀଳ ମନୋଭାବ ଜାଗ୍ରତ ହୋଇପାରିବ । ଏହି ପ୍ରତିଯୋଗିତାରେ ବିଦ୍ୟାଳୟର ଶିକ୍ଷକ ସୁରେନ୍ଦ୍ର ଭୋସାଗର, ସୁଶିଲ ସାହୁ, ରୁବି ପ୍ରଧାନ, ଗିତାରଣୀ ପ୍ରଧାନ ପ୍ରମୁଖ ସହଯୋଗ କରିଥିଲେ । କୃତି ପ୍ରତିଯୋଗୀ ମାନଙ୍କୁ ଆସନ୍ତା ଶିଶୁ ଦିବସରେ ପୁରସ୍କୃତ କରାଯିବ ବୋଲି ଜଣାପଡିଛି ।
Popular Categories
Previous article
Next article