ଦେଓଗାଁ: ଦେଓଗାଁ ଥାନା ଅନ୍ତର୍ଗତ ମହଲାଇ ଗାଁର ପଞ୍ଚାୟତ ଛକ ନିକଟରେ ଥିବା ଏକ ଦୋକାନରେ ନିଆଁ ଲାଗି ଜଳିଯାଇଥିବାରୁ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । ଶନିବାର ସନ୍ଧ୍ୟାରେ ମହଲାଇ ଗାଁର ନିତ୍ୟନନ୍ଦ ବିଶ୍ୱାଳଙ୍କ ଦୋକାନରେ କୌଣସି କାରଣରୁ ନିଆଁ ଲାଗିଯିବାରୁ ନିଆଁ ବ୍ୟାପି ଯାଇଥିଲା । ଫଳରେ ଦୋକାନ ଭିତରେ ଥିବା ବିଭିନ୍ନ ଫ୍ୟାନ୍ସି ସାମଗ୍ରୀ ସହ ଫ୍ରିଜ, ଫ୍ରିଜର, ଇନଭେଟର ମଧ୍ୟ ପୋଡି ପାଉଁଶ ହୋଇଯାଇଛି । ନିଆଁ ଜଳିବା ଦେଖି ସ୍ଥାନୀୟ ଲୋକ ଲିଭାଇବା ପାଇଁ ଚେଷ୍ଟା କରିଥିଲେ। ହେଲେ ସବୁ କିଛି ପୋଡି ଛାରଖାର ହୋଇଯାଇଥିଲା । ପୋଡ଼ି ଯାଇଥିବା ସାମଗ୍ରୀର ମୂଲ୍ୟ ୫ରୁ ୬ଲକ୍ଷ ଟଙ୍କା ହେବ ବୋଲି ଜଣାପଡିଛି । କ୍ଷତି ଗ୍ରସ୍ତ ହୋଇଥିବା ଦୋକାନ ମାଲିକଙ୍କୁ ଆର୍ଥିକ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉଛି।
Comments are closed.