ରେଙ୍ଗାଲିକ୍ୟାମ୍ପ: ବିଜୁ ସେତୁ ଯୋଜନାରେ ବଞ୍ଚିତ କୁଲେ଼ଇ ଜୋର । ଅତାବିରା ବ୍ଲକ ଅନ୍ତର୍ଗତ ଅନ୍ଧାରିପାଲିରେ ଏହି କୁଲେଇ ଜୋର ରହିଥିବା ବେଳେ ଏହି ଜୋର ସମ୍ବଲପୁର ଓ ବରଗଡ଼ ଜିଲ୍ଲାକୁ ସଂଯୋଗ କରୁଛି । ଏହି ଜୋର ଉପରେ ଛୋଟିଆ ପୋଲଟିଏ ହୋଇଥିବା ବେଳେ ଦୁଇ ଜିଲ୍ଲାର ଲୋକମାନେ ଯାତାୟାତ କରୁଛନ୍ତି । କିନ୍ତୁ ଗତ ରାତିର ଗୋଟିଏ ଅଷଢ଼ା ବର୍ଷାରେ ଏହି ପୋଲ ଉପର ୩ରୁ ୪ ଫୁଟ ପାଣି ଚାଲୁଛି । ଯାହାଫଳରେ ଗତକାଲି ଲୋକଙ୍କର ଯାତାୟାତ ସମ୍ପୂର୍ଣ୍ଣ ଭାବେ ଠପ୍ ହୋଇଯାଇଥିଲା । ପାଣିର ଦ୍ରୁତ ଗତି ଯୋଗୁଁ କାର, ବସ୍ ଗୁଡ଼ିକ ମଧ୍ୟ ଯାଇ ପାରିନଥିଲା । ଲୋକେ ନାହିଁ ନଥିବା ସମସ୍ୟାର ସମ୍ମୁଖୀନ ହୋଇଥିଲେ । ଏହି ପୋଲ ଦେଇ ପ୍ରତ୍ୟହ ଚାରପାଲି, ଗୋବିନ୍ଦ ପାଲି, ଚିପିଲିମା, ସାତୁ ପାଲି, ଗରମୁଣ୍ଡା, ବସନ୍ଦପୁର, ସାହାଜବା
ସ୍କୁଲର ଛାତ୍ରଛାତ୍ରୀ ମାନେ ମଧ୍ୟ ଏହି ପୋଲ ପାରି ହୋଇ ଅନ୍ଧାରୀ ପାଲିକୁ ଆସିଥାନ୍ତି । ଯେଉଁଥିପାଇଁ ସମସ୍ତଙ୍କ ବ୍ୟବସାୟ ବାଣିଜ୍ୟ ସହ ପିଲାଙ୍କ ପାଠପଢା ମଧ୍ୟବନ୍ଦ ହୋଇ ରହିଥିଲା ଓ ଲୋକେ ଅନେକ ଆର୍ଥିକ କ୍ଷତି ସହିଛନ୍ତି । ଏହି ପୋଲର ପୁନଃ ନିର୍ମାଣ ପାଇଁ ଅଞ୍ଚଳବାସୀ ଅନେକ ଦିନରୁ ଦାବି କରି ଆସୁଥିଲେ ମଧ୍ୟ ପ୍ରଶାସନ ନିରବ ରହିଥିବା ଯୋଗୁ ଆଜି ଏଭଳି ପରିସ୍ଥିତି ଦେଖା ଦେଇଛି ବୋଲି ଅଞ୍ଚଳବାସୀ କହିଛନ୍ତି । ତେବେ ପ୍ରଶାସନ ଏଠି ପ୍ରତି ତୁରନ୍ତ ଦୃଷ୍ଟି ଦେଇ ବିଜୁ ସେତୁ ଯୋଜନାରେ ଏହି ପୋଲର ପୁନଃ ନିର୍ମାଣ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି ।
