ରେଙ୍ଗାଲିକ୍ୟାମ୍ପ : ବରଗଡ଼ ଜିଲା ଅତାବିରା ଏନ୍ଏସି ସ୍ଥିତ ଅଗ୍ରସେନ୍ ଭବନ ଠାରେ ୭୭ତମ ସ୍ବାଧିନତା ଦିବସ ଉପଲକ୍ଷେ ଟ୍ରକ୍ ମାଲିକ ସଂଘ ପକ୍ଷରୁ ମାଗଣା ଚକ୍ଷୁ ଶିବିର ଉଦ୍ଘାଟିତ ହୋଇଯାଇଛି। ଉଦ୍ଘାଟିତ କାର୍ଯ୍ୟକ୍ରମରେ ଅତାବିରା ଏନ୍ ଏସି କାର୍ଯ୍ୟ ନିର୍ବାହୀ ଅଧିକାରୀ ଡ.ସତ୍ୟନାରାୟଣ ତାଣ୍ଡି ମୁଖ୍ୟ ଅତିଥି ଭାବେ ଯୋଗ ଦେଇ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରି ଥିଲେ। ମୁଖ୍ୟ ଅତିଥି ଦ୍ବାରା ପୂର୍ବତନ ସ୍ବାସ୍ଥ୍ୟ ମନ୍ତ୍ରୀ ସ୍ବର୍ଗତ ନବ କିଶୋର ଦାସଙ୍କ ଫଟୋ ଚିତ୍ରରେ ଦ୍ବୀପ ପ୍ରଜ୍ବଳନ ପୂର୍ବକ ସଂଘ ପକ୍ଷରୁ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ପରେ ପ୍ରଥମେ କାର୍ଯ୍ୟ ନିର୍ବାହୀ ଅଧିକାରୀ ଡ.ତାଣ୍ଡି ଚକ୍ଷୁ ପରୀକ୍ଷା କରାଇ ଥିଲେ। ଶିବିରକୁ ଆସିଥିବା ଚକ୍ଷୁ ରୋଗୀଙ୍କୁ ସମ୍ବଲପୁର ତ୍ରିଲୋଚନ ନେତ୍ରାଳୟ ଡାକ୍ତରୀ ଟିମ୍ଙ୍କ ଦ୍ବାରା ଚକ୍ଷୁ ପରୀକ୍ଷା ହେବା ସହ ଔଷଧ ଓ ଚଷମା ଦେଇ ଚିହ୍ନଟ ରୋଗୀଙ୍କୁ ଅପରେସନ ପାଇଁ ପଠାଇ ଦିଆଯାଇଥିବା ଜଣାପଡିଛି। ଏହି କାର୍ଯ୍ୟକ୍ରମ ଦୁଇ ଦିନ ଧରି ହେବାକୁ ଥିବାବେଳେ ଚକ୍ଷୁ ପରୀକ୍ଷା ସହ ଆସନ୍ତା କାଲି ମାଗଣା ସ୍ବାସ୍ଥ୍ୟ ଶିବିର ହେବ ବୋଲି ସଂଘ ପକ୍ଷରୁ ଜଣାପଡିଛି। ଏହି ଶିବିରରେ ତ୍ରିଲୋଚନ ନେତ୍ରାଲୟର ଡ ଭିକ୍ରାନ୍ତଙ୍କ ସହ ଓସିଏ ମୋନାଲିସା ସାହୁ, ଅପ୍ଟିକଲ ଅତିସ ଚିନାରା,ବଳଭଦ୍ର ତିର୍କୀ, ଲିପିରାଣୀ ଭୋଇ, ଟି. କେଶ୍ୱରୀ ମହାନନ୍ଦ, ନିକିତା ଓରାମ ଓ ସଙ୍ଗୀତା ପ୍ରମୁଖ ଯୋଗ ଦେଇ ଅତାବିରା ବ୍ଲକର ଶତାଧିକ ଚକ୍ଷୁ ରୋଗୀଙ୍କ ପରୀକ୍ଷା ନିରୀକ୍ଷା କରିଥିଲେ ।
Comments are closed.