ରେଙ୍ଗାଲି: ସମ୍ବଲପୁର ଜିଲାର ଲଇଡାରେ ଥିବା ଦୁତିକା ସାହୁ ମହାବିଦ୍ୟାଳୟର ବିଜ୍ଞାନ ବିଭାଗ ପକ୍ଷରୁ ବୌଦ୍ଧିକ ବିଜ୍ଞାନ ସପ୍ତାହ ପାଳିତ ହୋଇ ଯାଇଛି। ଅଧ୍ୟାପକ ଡଃ.ବସନ୍ତ କୁମାର ନାଏକ ଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯକ୍ରମରେ ଯୁକ୍ତ ତିନି ବିଜ୍ଞାନ ବିଭାଗର ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ଛାତ୍ର ଛାତ୍ରୀମାନେ ରସାୟନ ବିଜ୍ଞାନ, ପଦାର୍ଥ ବିଜ୍ଞାନ, ଉଦ୍ଭିଦ ବିଜ୍ଞାନ, ପ୍ରାଣୀ ବିଜ୍ଞାନର ବିଭିନ୍ନ ଶୈକ୍ଷିକ ବିଷୟ ଉପରେ ଆଧାରିତ ପୋଷ୍ଟର୍ ପ୍ରଦର୍ଶନ କରି ସଂପୃକ୍ତ ବିଷୟ ଉପରେ ବକ୍ତବ୍ଯ ରଖିଥିଲେ।
କାର୍ଯ୍ୟକ୍ରମରେ ଅଧ୍ୟାପକ ଜୟନାରୟଣ ଶତପଥି, ଅଳେଖ ଦ୍ବିବେଦୀ, ଅଶୋକ ପଧାନ, ଜିତେନ୍ଦ୍ର ପ୍ରସାଦ ସିଂହ ବିଚାରକ ଭାବେ ଯୋଗ ଦେଇ ଥିଲେ। ଯୁକ୍ତ ତିନି ବିଜ୍ଞାନ ବିଭାଗ ର ଅଧ୍ୟାପକ ଭବାନୀ ସିଂହ, ନିବେଦିତା ନାଥ, ଅଧ୍ୟାପିକା ନମ୍ରତା ପ୍ରଧାନ, ଗାୟତ୍ରୀ ପଟେଲ, ଚାନ୍ଦିନୀ ପୂଜାରୀ ଆୟୋଜନ ରେ ମୁଖ୍ୟ ଭୂମିକା ଗ୍ରହଣ କରିଥିଲେ। ଏହି ଅବସରରେ ମହାବିଦ୍ୟାଳୟ ର ସମସ୍ତ ଅଧ୍ୟାପକ ଅଧ୍ୟାପିକା ଛାତ୍ର ଛାତ୍ରୀ ଉପସ୍ଥିତ ଥିଲେ।
