ଟ୍ରେନ ଓ ରାସ୍ତା ମଝିରେ ରିଲ୍ସ ତିଆରି ଅଭିଯୋଗରେ ୨ ଯୁବତୀ ଗିରଫ
ଡେସ୍କ: ପ୍ରଥମେ ଦିଲ୍ଲୀ ମେଟ୍ରୋ ଏବଂ ପରେ ରାସ୍ତା ମଝିରେ ରିଲ୍ ତିଆରି କରିଥିବା ଝିଅମାନଙ୍କୁ ପୁଲିସ ଗିରଫ କରିଛି। ଟ୍ରାଫିକ୍ ନିୟମ ନ ମାନିବାରୁ ପୁଲିସ ୮୦ ହଜାର ଟଙ୍କାର ଚାଲାଣ ମଧ୍ୟ କାଟିଥିଲା, ଯାହା ପରେ ଯୁବତୀମାନେ କହିଥିଲେ ଯେ ଚାଲାଣ ଦେବା ପାଇଁ ସେମାନଙ୍କ ପାଖରେ ଟଙ୍କା ନାହିଁ।
ଭାଇରାଲ ହେଉଥିବା ଏହି ଝିଅମାନଙ୍କ ନାମ ହେଉଛି ପ୍ରୀତି ମୌର୍ଯ୍ୟ ଓ ବିନିତା। ସ୍କୁଟି ଚଳାଉଥିବା ବାଳକର ନାମ ପୀୟୂଷ। ଯୁବତୀମାନେ ପ୍ରଥମେ ଦିଲ୍ଲୀ ମେଟ୍ରୋରେ ରିଲ୍ ତିଆରି କରିଥିଲେ ଏବଂ ପରେ ନୋଏଡାର ରାସ୍ତାରେ ବାଇକରେ ଷ୍ଟଣ୍ଟ କରିଥିଲେ, ଯାହା ପରେ ପୁଲିସ ସେମାନଙ୍କୁ ୮୦ ହଜାର ଟଙ୍କା ଜରିମାନା କରିଥିଲା। ଏଥିସହ ଜଣେ ପୁଅ ଓ ୨ ଝିଅଙ୍କ ବିରୋଧରେ ମାମଲା ରୁଜୁ ହୋଇଛି।
ଏକ ସାକ୍ଷାତକାରରେ ଯୁବତୀମାନେ କହିଛନ୍ତି ଯେ ରିଲ୍ ଭାଇରାଲ ହେବା ପରେ ପୁଲିସ ସେମାନଙ୍କୁ ଥାନାକୁ ଡକାଇ ଏତଲା ରୁଜୁ ହୋଇଥିବା କହିଥିଲା। ଝିଅମାନେ କହିଲେ ଯେ ଲୋକଙ୍କୁ ହଇରାଣ କରିବା ଆମର ଉଦ୍ଦେଶ୍ୟ ନଥିଲା। ଲୋକମାନେ କହୁଛନ୍ତି ଯେ ଆମର ମେଟ୍ରୋ ରିଲ୍ ଅଶ୍ଳୀଳ, କିନ୍ତୁ ଆମେ ଦୁଇ ସାଙ୍ଗ ଖୁସିରେ ଏହି ଭିଡିଓ ତିଆରି କରିଥିଲୁ।
ପ୍ରୀତି ଓ ବିନିତା କ୍ଷମା ପ୍ରାର୍ଥନା କରି କହିଛନ୍ତି, ଯଦି ଲୋକମାନେ ଆମ ଭିଡିଓକୁ ନେଇ ଖରାପ ଅନୁଭବ କରୁଛନ୍ତି ତେବେ ଆମେ ଏବେ ଏଭଳି ଭିଡିଓ କରିବୁ ନାହିଁ। ଲୋକମାନେ ଯେପରି ପସନ୍ଦ କରିବେ ଆମେ ସେହି ଅନୁଯାୟୀ ଭିଡିଓ ତିଆରି କରିବୁ। ଆମକୁ ଭଲ ପାଆନ୍ତୁ ଏବଂ ଆମକୁ ସମର୍ଥନ କରନ୍ତୁ।
ମହଙ୍ଗା ପଡିଲା ଟ୍ରେନ ଓ ରାସ୍ତା ମଝିରେ ରିଲ୍ସ ତିଆରି, ୨ ଯୁବତୀ ଗିରଫ pic.twitter.com/iQ6EznuI7o
— Samaja Live (@samajalive) March 28, 2024
Comments are closed.