ନୂଆଦିଲ୍ଲୀ : ରିଜର୍ଭ ବ୍ୟାଙ୍କ ଦେଶର ସବୁଠାରୁ ବଡ ସରକାରୀ ବ୍ୟାଙ୍କ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଉପରେ ୨ କୋଟି ଟଙ୍କାର ଜରିମାନା ଲଗାଇଛି । ବ୍ୟାଙ୍କ ଉପରେ ରେଗୁଲଟରୀ ନିୟମର ପାଳନ ନକରିବା ଯୋଗୁଁ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ଏହା ସହିତ କାନାରା ବ୍ୟାଙ୍କ ଏବଂ ସିଟି ୟୁନିୟନ୍ ବ୍ୟାଙ୍କ ଉପରେ ମଧ୍ୟ କେନ୍ଦ୍ର ବ୍ୟାଙ୍କ ଜରିମାନା ଲଗାଇଛି । କାନାରା ବ୍ୟାଙ୍କ ଉପରେ ୩୨.୩୦ ଲକ୍ଷ ଟଙ୍କା ଏବଂ ସିଟି ୟୁନିୟନ୍ ବ୍ୟାଙ୍କ ଉପରେ ୬୬ ଲକ୍ଷ ଟଙ୍କାର ଜରିମାନା ଲଗାଯାଇଛି ।
ରିପୋର୍ଟରେ ଜଣାପଡିଛି କି ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ କିଛି କମ୍ପାନୀଙ୍କର ୩୦ ପ୍ରତିଶତରୁ ଅଧିକ ପେଡ୍-ଅପ୍ ସେୟାର ପୁଞ୍ଜି ନେଇଥିଲା ଏବଂ ବ୍ୟାଙ୍କିଂ ନିୟମ ଧାରା ଅନୁସାରେ ନିର୍ଦ୍ଧାରିତ ଅବଧି ଅନୁସାରେ ଯେଉଁ ରାଶି ଥିଲା ତାହା ଡିପୋଜିଟର ଏଜୁକେସନ ଏଣ୍ଡ୍ ଆଓ୍ବାରନେସ୍ ଫଣ୍ଡରେ ରଖିନଥିଲା । ରିଜର୍ଭ ବ୍ୟାଙ୍କ କାରଣ ଦର୍ଶାଅ ନୋଟିସ୍ ଦେଇଥିଲା, ଯାହା ପରେ ଯାଞ୍ଚରେ ଏହା ନିର୍ଦ୍ଧାରିତ କରାଗଲା କି ନିୟମର ଉଲ୍ଲଙ୍ଘନ ଯୋଗୁଁ ଏସବିଆଇ ଉପରେ ଜରିମାନା ଲଗାଯିବ । ସେହିଭଳି କାନାରା ବ୍ୟାଙ୍କ ଏବଂ ସିଟି ୟୁନିୟନ୍ ବ୍ୟାଙ୍କ ଉପରେ ନିୟମ ଉଲ୍ଲଙ୍ଘନ କରିବା ନେଇ ଜରିମାନା ଲଗାଯାଇଛି ।
