ନୂଆଦିଲ୍ଲୀ : ରେନୋ ନିଜ ପ୍ରତିକ୍ଷୀତ ଇଲେକ୍ଟ୍ରିକ୍ କାର୍ ରେନୋ ଆର୫ କୁ ଜେନେଭା ମୋଟର ଶୋରେ ପ୍ରଦର୍ଶିତ କରିଥିଲା । ଏହି କାର୍ ରେନୋର ୧୯୭୨ ମଡେଲରୁ ପ୍ରେରିତ ଏବଂ କମ୍ପାନୀ ଆଶା କରିଛି କି ଏହି ଇଲେକ୍ଟ୍ରିକ୍ ଗାଡି ବିକ୍ରିରେ ବୃଦ୍ଧି ଦେଖିବାକୁ ମିଳିପାରେ । ଏହା ଛୋଟ ସେଡାନ ଶ୍ରେଣୀରେ ଆସିବ ଏବଂ ଏନେଇ କମ୍ପାନୀ ୨୦୨୧ ମସିହାରେ ଘୋଷଣା କରିଥିଲା ।
କମ୍ପାନୀ ଏବେ ଜେନେଭା ମୋଟର ଶୋରେ ନିଜ ନୂଆ ଇଲେକ୍ଟ୍ରିକ୍ କାରକୁ ପ୍ରଦର୍ଶିତ କରିଛି । ୧୯୭୨ରୁ ୧୯୯୮ ମଧ୍ୟରେ କମ୍ପାନୀ ଏହି କାରର ୯୦ ଲକ୍ଷ ୟୁନିଟ୍ ବିକ୍ରି କରିଥିଲା । ଏବେ କମ୍ପାନୀ ଏହି କାରକୁ ଜେନେଭା ମୋଟର ଶୋରେ ସାମ୍ନାକୁ ଆଣିଛି ଏବଂ ବର୍ଷର ମଧ୍ୟ ସୁଦ୍ଧା ଏହାକୁ ବଜାର ପ୍ରବେଶ କରାଇବ । ଏହି କାରକୁ ଥରେ ଫୁଲ ଚାର୍ଜ କଲେ ୪୦୦ କିଲୋମିଟର ଯାତ୍ରା କରିପାରିବ ।
ଏହି କାରରେ ଭିଟୁଏଲ୍ ଅର୍ଥାତ୍ ଭେଇକଲ ଟୁ ଲୋଡ୍ ଚାର୍ଜର ସପୋର୍ଟ ମିଳିବ । ଏହା ସହିତ ଏହି କାରର ଓଜନ ୧୫୦୦ କିଲୋରୁ କମ୍ ହୋଇପାରେ । କାରରେ ୩୨୬ ଲିଟର ବୁଟସ୍ପେସ୍ ମିଳିବ । ଏହା ବ୍ୟତୀତ କମ୍ପାନୀ କହିଛି କି କାର ୫୦୦ କିଲୋ ପର୍ଯ୍ୟନ୍ତ ଓଜନ ନେଇପାରିବ ।
Comments are closed.