ପୁରୀ : ଚଳିତ ବର୍ଷ ମଧ୍ୟ ପୁରୀ ଛଡା ଅନ୍ୟ କେଉଁଠାରେ ହୋଇ ପାରିବ ନାହିଁ ରଥଯାତ୍ରା। ଏନେଇ ଆଜି ସ୍ୱତନ୍ତ୍ର ରିଲିଫ କମିସନର ପ୍ରଦୀପ ଜେନା ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି। ଗତ ବର୍ଷ ଭଳି ଚଳିତ ବର୍ଷ ପୁରୀ ଛଡା ଅନ୍ୟ ସମସ୍ତ ସ୍ଥାନରେ ରଥଯାତ୍ରା ନିଷେଧ। ଗଲା ବର୍ଷ ଭଳି ଏବର୍ଷ ମଧ୍ୟ ସମସ୍ତ କଟକଣାରେ ପାଳନ ହେବ ରଥଯାତ୍ରା। କରୋନାର ୨ୟ ତରଙ୍ଗ ଜାରି ରହିଥିବାରୁ କଟକଣା ଲାଗୁ କରାଯାଇଛି। ଗତ ବର୍ଷ ଭଳି ଚଳିତ ବର୍ଷ ମଧ୍ୟ ପୁରୀ ରଥଯାତ୍ରାରେ ଭକ୍ତଙ୍କୁ ଯିବାକୁ ବାରଣ ରହିଛି। ଯେଉଁ ସେବାୟତମାନେ ରଥଯାତ୍ରାରେ ସାମିଲ ହେବେ ୨ ପାନ ଟିକା ନେବା ସହ ଆରଟିପିସିଆର ନେଗେଟିଭ ରିପୋର୍ଟ ମଧ୍ୟ ବାଧ୍ୟତାମୂଳକ। ରଥଯାତ୍ରା ସମୟରେ କରୋନା କଟକଣା ଓ ସାମାଜିକ ଦୂରତା ମାନିବା ନିତ୍ୟାନ୍ତ ଜରୁରୀ। ପୂର୍ବ ବର୍ଷ ଭଳି ଏ ବର୍ଷ ମଧ୍ୟ କର୍ଫ୍ୟୁ ଜାରି ହେବା ସହ ପୁରୀକୁ ବସ୍ , ଗାଡି ମୋଟର ଚଳାଚଳ ଉପରେ ସମ୍ପୂର୍ଣ୍ଣ କଟକଣା ରହିବ। ପୁରୀ ରଥଯାତ୍ରାର ସିଧାପ୍ରସାରଣ ସୂଚନା ଓ ଲୋକ ସମ୍ପର୍କ ବିଭାଗ ଦାୟିତ୍ୱ ନେବେ। ରାଜ୍ୟର ଅନ୍ୟ ମନ୍ଦିରରେ କେବଳ ନୀତିକାନ୍ତିରେ ପୂଜାର୍ଚ୍ଚନା କରାଯିବ। ଚଳିତ ବର୍ଷ ଜୁଲାଇ ୧୨ ତାରିଖରେ ପଡୁଛି ମହାପ୍ରଭୁଙ୍କ ରଥଯାତ୍ରା।
Comments are closed.