ରାମନାଗୁଡା: ରାୟଗଡ଼ା ଜିଲା ରାମନାଗୁଡା ନିକଟସ୍ଥ କଲ୍ୟାଣ ମଣ୍ଡପ ଠାରେ ଭାରତୀୟ ଡାକ ବିଭାଗ ତରଫରୁ ଡାକ ମେଳା ଅନୁଷ୍ଠିତ ହୋଇଯାଇଛି। ଏହି ମେଳାରେ ମୁଖ୍ୟ ଅତିଥି ଭାବେ ପାରିଖିତି ସରପଞ୍ଚ ସୁଶାନ୍ତ ନିମାଲା, ସୁଣ୍ଡିଢାମୁଣି ସରପଞ୍ଚ ଭାସ୍କର କାଡ୍ରାକା, ରାୟଗଡ଼ା ଡ଼ିଭିଜନ ଏସପି ଜବାହାର ରାଓ, ଉପେନ୍ଦ୍ର ହିଆଲ, ବିନୋଦ ମହାପାତ୍ର, କୁଞ୍ଜବିହାରୀ ସୁନାମୁଦି ପ୍ରମୁଖ ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ସମସ୍ତ ଡାକ ସମ୍ବନ୍ଧୀୟ ସୂଚନା ପ୍ରଦାନ କରାଯାଇଥିବାବେଳେ ଜନସାଧାରଣ ଯେପରି ଆରଡିଟିଡି, ସୁକନ୍ୟା ଯୋଜନା, ଗ୍ରାମୀଣ ଡାକ ଜୀବନ ବୀମା, ସିଏସସି ଆଦି ବିଷୟରେ ଆଲୋଚନା ହୋଇଥିଲା। ଯେପରି ଜନସାଧାରଣ ଡାକ ବିଭାଗ ସମସ୍ତ ସୁବିଧା ପାଇପାରିବେ ସେନେଇ କାର୍ଯ୍ୟକ୍ରମରେ ସୂଚନା ପ୍ରଦାନ କରାଯାଇଥିଲା। ଏହି ମେଳାରେ ଗୁଣୁପୁର ସବଡ଼ିଭିଜନ ଅଧିନ ସମସ୍ତ ଡାକକର୍ମଚାରୀ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମ ଗୁଣୁପୁର ପୋଷ୍ଟାଲ ଇନ୍ସପେକ୍ଟର କିରଣ ପାତ୍ର ପରିଚାଳନା କରିଥିବା ବେଳେ ଡାକ ବିଭାଗ କର୍ମଚାରୀ ସହଯୋଗ କରିଥିଲେ।
Comments are closed.