ବେଗୁନିଆ : ବେଗୁନିଆ ବ୍ଲକ ଗଡମାଣତୀରସ୍ଥିତ ମା’ ରାମଚଣ୍ଡୀଙ୍କ ପୀଠସ୍ଥଳୀରେ ୪୪ତମ ବାର୍ଷିକ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି। ଗଡ଼ମାଣତୀର ସମେତ ବାରପଲ୍ଲୀ ଏବଂ ଗୋପାଳପୁର, କଡବ, ରାଉତପଡ଼ା ,ଗୋବିନ୍ଦପୁର ଏବଂ ବୋତଳମା ପଞ୍ଚାୟତର ଜନସାଧାରଣଙ୍କ ଆନୁକୂଲ୍ୟରେ ୭ ଦିନ ବ୍ୟାପି ୪୪ ତମ ବାର୍ଷିକ ବିଶ୍ୱଶାନ୍ତି ମହାଯଜ୍ଞର ଆଜି ଥିଲା ପୂର୍ଣ୍ଣାହୁତି । ୧୦ତାରିଖରେ ଶୁଭ ଅଙ୍କୁରାରୋପଣ ଏବଂ ଶାଲା ମଣ୍ଡନ,୧୧ ତାରିଖରେ ସର୍ବ ଦେବାଦେବୀଙ୍କର ଯଜ୍ଞ ମଣ୍ଡପେ ଆବାହନ ,୧୨ ତାରିଖରେ ଭଗବତଗୀତାରେ ଆହୁତି ପ୍ରଦାନ ୧୩ ତାରିଖରେ ମା ରାମଚଣ୍ଡୀଙ୍କ ଷୋଡଶ ଉପଚାର ପୂଜା ,୧୪ ତାରିଖରେ ଶ୍ରୀ କପିଳେଶ୍ୱର ଦେବଙ୍କର ଉପଚାର ପୂଜା ,୧୫ ତାରିଖରେ ସର୍ବ ଦେବାଦେବୀଙ୍କର ଆହୁତି ପ୍ରଦାନ ଏବଂ ପୂର୍ଣ୍ଣାହୁତି ପ୍ରଦାନ ୧୬ ତାରିଖରେ ଘଟ ବିସର୍ଜନ କରାଯାଇଛି। ଯଜ୍ଞ କମିଟିର ସଭାପତି ବଳଦେବ ରଥ, ସମ୍ପାଦକ ମଙ୍ଗୁଳିଚରଣ ମିଶ୍ର, କୋଷାଧ୍ୟକ୍ଷ ରମେଶ ଚନ୍ଦ୍ର ପାଲଟାସିଂହ ଏବଂ ଗ୍ରାମବାସୀଙ୍କ ଦ୍ୱାରା ଯଜ୍ଞ କାର୍ଯ୍ୟ ପରିଚାଳନା କରାଯାଇଥିଲା। ଆଜି ପୂର୍ଣ୍ଣାହୁତିରେ ବିଜେଡି ସମ୍ପାଦକ ପ୍ରଦୀପ କୁମାର ସାହୁ ଏବଂ ବ୍ଲକ ଅଧ୍ୟକ୍ଷ ଲଷ୍ମୀଧର ସୁବୁଦ୍ଧି ଯୋଗ ଦେଇଥିଲେ ।
Comments are closed.