ଲଖନଉ : ଏପ୍ରିଲ ୧୭ରେ ସାରା ଦେଶରେ ରାମନବମୀ ପର୍ବ ବେଶ ଧୁମଧାମରେ ପାଳନ କରାଯିବ। ରାମ ନଗରୀ ଅଯୋଧ୍ୟା ପାଇଁ ଚଳିତ ବର୍ଷ ରାମନବମୀ ସବୁଠାରୁ ମହତ୍ତ୍ୱପୂର୍ଣ୍ଣ ହେବାକୁ ଯାଉଛି। ରାମ ମନ୍ଦିର ପ୍ରାଣ ପ୍ରତିଷ୍ଠା ପରେ ପ୍ରଥମ ଥର ଏହି ଅବସରରେ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯାଇଛି। ପ୍ରଥମ ଥର ପ୍ରଭୁ ରାମଙ୍କର ୫ ବର୍ଷର ବାଳକ ସ୍ୱରୂପଙ୍କର ସୂର୍ଯ୍ୟତିଳକ ହେବ। ସୂର୍ଯ୍ୟୋଭିଷେକ ପାଇଁ ଅନେକ ଦିନ ପୂର୍ବରୁ ପ୍ରସ୍ତୁତି ଆରମ୍ଭ ହୋଇଛି।
ବିରଳ ସଂଯୋଗ : ୫୦୦ ବର୍ଷ ପରେ ରାମନବମୀରେ ରାମଲାଲାଙ୍କର ହେବ ସୂର୍ଯ୍ୟତିଳକରେ ଅଭିଷେକ
ଏପ୍ରିଲ ୧୭ରେ ରାମ ନବମୀ ଶୁଭ ମୁହୂର୍ତ୍ତ୧୧ଟା ୫୮ ମିନିଟରୁ ୧୨ଟା ୩ ମିନିଟ୍ ପର୍ଯ୍ୟନ୍ତ ହେବ। ବୈଜ୍ଞାନିକଙ୍କ ଦ୍ୱାରା ସୂର୍ଯ୍ୟ ତିଳକର ପ୍ରସ୍ତୁତି କରାଯାଇଛି।
ରାମନବମୀରେ ହେବାକୁ ଥିବା ସୂର୍ଯ୍ୟତିଳକରୁ କୌଣସି ଅତିରିକ୍ତ ଉଷ୍ଣତା ପଡିବ ନାହିଁ କିମ୍ବା ମୂର୍ତ୍ତି ମଧ୍ୟ ଉଷୁମ ହେବ ନାହିଁ। ବୈଜ୍ଞାନିକଙ୍କ ଦ୍ୱାରା ହୋଇଥିବା ପ୍ରସ୍ତୁତି ଅନୁସାରେ ତିଳକ ପାଇଁ ରଶ୍ମିରୁ ଆସୁଥିବା ଅତିରିକ୍ତ ଉଷ୍ଣତାରୁ ରକ୍ଷା କରିବ। ଏଥିପାଇଁ ଥିବା ଫିଲ୍ଟର ପ୍ରଥମ ମହଲାରେ ଲଗାଯାଇଛି। ଯାଦ୍ୱାରା ସୂର୍ଯ୍ୟଙ୍କ ରଶ୍ମି ଗର୍ଭଗୃହରେ ପ୍ରବେଶ କରିବ। ରାମ ମନ୍ଦିରରେ ହେବାକୁ ଥିବା କାର୍ଯ୍ୟକ୍ରମ ପାଇଁ ଜୋରସୋର ପ୍ରସ୍ତୁତି କରାଯାଉଛି। ଏହାର ସିଧାସଳଖ ପ୍ରସାରଣ ମଧ୍ୟ କରାଯିବ। ଯାହାକୁ ଘରେ ବସି ରାମ ଭକ୍ତ ଟିଭିରେ ଦେଖିପାରିବେ। ଏହି ପବିତ୍ର ଅବସରରେ ମିର୍ଜାପୁରରୁ ୧,୧୧,୧୧୧ ଲଡୁ ମଧ୍ୟ ଅଯୋଧ୍ୟା ପଠାଯାଇଛି।
