ମୁମ୍ବଇ : ୨୬ ଜୁଲାଇ ଶୁକ୍ରବାର ମୁକ୍ତିଲାଭ କରିଥିଲା କଙ୍ଗନା ରାଣାୱତ୍-ରାଜକୁମାର ରାଓଙ୍କ ଅଭିନୀତ ଚଳଚ୍ଚିତ୍ର ‘ଜଜ୍ମେଣ୍ଟଲ ହୈ କ୍ୟା’। ‘ଜଜ୍ମେଣ୍ଟଲ ହୈ କ୍ୟା’ ଦର୍ଶକଙ୍କ ମନକୁ ଛୁଇଁବାରେ ସଫଳ ହୋଇଥିବା ଜଣାପଡ଼ିଛି। ଏହା ବକ୍ସ ଅଫିସରେ ଠିକ୍ ଠାକ୍ ବ୍ୟବସାୟ କରୁଛି। ଚଳଚ୍ଚିତ୍ରଟି ମୁକ୍ତିଲାଭ କରିବାର ଏକ ସପ୍ତାହ ମଧ୍ୟରେ ୩୧କୋଟି ଟଙ୍କା ଆୟ କରିଛି। ସମଗ୍ର ଦେଶରେ ୨ହଜାରଟି ସ୍କ୍ରିନରେ ମୁକ୍ତିଲାଭ କରିଥିବା ସିନେମାଟି ମୁକ୍ତିଲାଭ କରିବାର ପ୍ରଥମ ଦିନ ୨ଜୁଲାଇ ଶୁକ୍ରବାର ୫.୪୦କୋଟି ଟଙ୍କାର ବ୍ୟବସାୟ କରିଥିଲା। ପରେ ଶନିବାର ୮.୦୨କୋଟି, ରବିବାର ୮.୬୨କୋଟି, ସୋମବାର ୨.୬୦କୋଟି, ମଙ୍ଗଳବାର ୨.୬୨କୋଟି, ବୁଧବାର ୨.୨୬କୋଟି ଏବଂ ଗୁରୁବାର ୧.୯୦କୋଟି ଟଙ୍କାର ବ୍ୟବସାୟ କରିଛି। ଏହି ଚଳଚ୍ଚିତ୍ରଟିକୁ ୩୦-୩୫କୋଟି ଟଙ୍କା ବଜେଟରେ ନିର୍ମାଣ କରାଯାଇଥିଲା।
ସାମାଜିକ ଗଣମାଧ୍ୟମରେ ଚଳଚ୍ଚିତ୍ରକୁ ବହୁତ ଭଲ ପ୍ରତିକ୍ରିୟା ମିଳୁଛି। ପୂର୍ବରୁ ଏହାର ଟ୍ରେଲରକୁ ମଧ୍ୟ ଲୋକେ ଖୁବ୍ ପସନ୍ଦ କରିଥିଲେ । ଦର୍ଶକ କଙ୍ଗନା ଓ ରାଜକୁମାରଙ୍କ ଅଭିନୟକୁ ଖୁବ୍ ପ୍ରଶଂସା କରିଛନ୍ତି। ଏକତା କପୁର, ଶୋଭା କପୁର ଏବଂ ଶୈଳେଶ ଆର୍ ସିଂହଙ୍କ ମିଳିତ ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ପ୍ରକାଶ କୋୱେଲାମୁଦୀ।
Comments are closed.