ଚେନ୍ନଇ : ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ହତ୍ୟାକାଣ୍ଡ ମାମଲାରେ ଆଜୀବନ କାରାଦଣ୍ଡ ଭୋଗୁଥିବା ନଳିନୀ ଶ୍ରୀହରନଙ୍କୁ ମାଡ୍ରାସ ହାଇକୋର୍ଟ ଶୁକ୍ରବାର ୩୦ ଦିନର ପାରୋଲ ପ୍ରଦାନ କରିଛନ୍ତି। ନିଜ ଝିଅର ବିବାହ ପାଇଁ ନଳିନୀ ହାଇକୋର୍ଟରେ ୬ ମାସର ପାରୋଲ ପାଇଁ ଆବେଦନ କରିଥିଲେ।
ମାଡ୍ରାସ ହାଇକୋର୍ଟ ଶୁକ୍ରବାର ନଳିନୀଙ୍କୁ ୬ ମାସକ ବଦଳରେ ମାସେ ପାରୋଲ ଦେଇଛନ୍ତି। ନଳିନୀ ଅପ୍ରେଲରେ ୬ ମାସର ପାରୋଲ ପାଇଁ ଆବେଦନ କରିଥିଲେ। ଏହାକୁ ନେଇ ମାଡ୍ରାସ ହାଇକୋର୍ଟ ତାମିଲନାଡୁ ସରକାରଙ୍କୁ ନୋଟିସ୍ ଜାରି କରିଥିଲେ। ନଳିନୀ ନିଜ ଆବେଦନରେ ଝିଅର ବିବାହ ପାଇଁ ୬ ମାସର ସାଧାରଣ ଅବକାଶ ପ୍ରଦାନ ସହ ଆବେଦନ ଉପରେ ବ୍ୟକ୍ତିଗତ ଭାବେ ପକ୍ଷ ରଖିବାର ସୁଯୋଗ ଦେବା ପାଇଁ କହିଥିଲେ।
ପ୍ରକାଶ ଯେ ରାଜୀବ ଗାନ୍ଧୀ ହତ୍ୟାକାଣ୍ଡ ମାମଲାରେ ନଳିନୀ ଦୋଷୀ ସାବ୍ୟସ୍ତ ହୋଇ ଆଜୀବନ ଜେଲଦଣ୍ଡ ଭୋଗୁଛନ୍ତି। ଏହି ମାମଲାରେ ଆଉ ୬ ଜଣ ଆଜୀବନ ଜେଲଦଣ୍ଡ ଭୋଗୁଛନ୍ତି।
