କୋଲକାତା : ନାଗରିକତା ସଂଶୋଧନ ବିଧେୟକକୁ ବିରୋଧ କରି ଶୁକ୍ରବାର ସନ୍ଧ୍ୟାରେ ପଶ୍ଚିମବଙ୍ଗର ମୁର୍ସିଦାବାଦ ଜିଲାରେ ଥିବା ବେଲଡ଼ଙ୍ଗା ରେଳ ଷ୍ଟେସନ କଂପ୍ଲେକ୍ସରେ ଆନ୍ଦୋଳନକାରୀମାନେ ନିଆଁ ଲଗାଇ ଦେଇଥିବା ଜଣାପଡ଼ିଛି। ସେଠାରେ ମୁତୟନ ଥିବା ରେଳ ସୁରକ୍ଷା ବଳ (ଆରପିଏଫ)ର ଯବାନମାନଙ୍କୁ ଉତ୍ୟକ୍ତ ଲୋକେ ଆକ୍ରମଣ କରିଛନ୍ତି। ଆକ୍ରମଣରେ ସେ ଆହତ ହୋଇଥିବାବେଳେ ରେଳ ଚଳାଚଳ ବ୍ୟାହାତ ହୋଇଛି।
ଅନ୍ୟପକ୍ଷରେ ଉତ୍ତର-ପୂର୍ବାଞ୍ଚଳ ରାଜ୍ୟ ଆସାମ, ତ୍ରିପୁରା ଓ ମେଘାଳୟରେ ହିଂସା ଜାରି ରହିଛି । ଏହି ଆନ୍ଦୋଳନ ଯୋଗୁଁ ଏପର୍ଯ୍ୟନ୍ତ ଆସାମରେ ୩ ଜଣ ବିକ୍ଷୋଭକାରୀ ନିହତ ହୋଇଛନ୍ତି । ପରିସ୍ଥିତିକୁ ଦୃଷ୍ଟିରେ ରଖି ଆସାମରେ ଅତିରିକ୍ତ ୨୬କଲମ ଯବାନ ମୁତୟନ କରାଯାଇଛି। ଏହି ୨୬କଲମ ଯବାନମାନେ ପୂର୍ବରୁ ମୁତୟନ ଥିବା ସିଏପିଏଫ ଯବାନଙ୍କୁ ସହଯୋଗ କରିବେ। ୨୦ଯବାନଙ୍କୁ ନେଇ ଏକ କଲମ ଯବାନ ହୋଇଥାଏ। ତେବେ ଏହିପରି ଭାବରେ ରାଜ୍ୟରେ ଅତିରିକ୍ତ ୫୨୦ଜଣ ଯବାନ ମୁତୟନ ଅଛନ୍ତି।
- Advertisement -
