ଗୁଣୁପୁର : ରାଜ୍ୟରେ ଆଳୁ ଆମଦାନୀ ବନ୍ଦ ହେବା ପରେ ଅଞ୍ଚଳରେ ଆଳୁର ଅହେତୁକ ଦର ବୃଦ୍ଧି ପାଇଛି। ଆଳୁର କଳାବଜାରୀକୁ ରୋକିବା ପାଇଁ ଆଜି ଗୁଣୁପୁର ଯୋଗାଣ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଛି। ଗୁଣୁପୁର ପୈାରପରିଷଦ ଅଞ୍ଚଳର ଆଳୁ ଗୋଦାମ, ରିଟେଲର ଦୋକାନ ଓ ଦୈନିକ ବଜାରରେ ଯୋଗାଣ ବିଭାଗ ପକ୍ଷରୁ ଚଢାଉ କରାଯାଇଛି। ଆଳୁର ପ୍ରକୃତ ଦର କେଜି ପିଛା ୩୧ ଟଙ୍କା ୫୦ ପଇସା ରହିଥିବାବେଳେ ଗୋଟିଏ ଆଳୁବସ୍ତାରେ ୪୧ କେଜି ଆଳୁ ରହୁଛି ଯାହାର ଦାମ ୧୨୮୦ ଟଙ୍କା ରିଟେଲର ଦୋକାନ ଗୋଦାମରୁ କ୍ରୟ କରୁଛନ୍ତି। ସେହି ଆଳୁକୁ ସେମାନେ ୩୫ ଟଙ୍କାରେ ମାର୍କେଟରେ ଆଳୁ ବିକ୍ରି କରୁଥିବା କିଛି ଦୋକାନୀ କହିଛନ୍ତି। ଆଳୁ ଦରକୁ ପ୍ରତ୍ୟେକ ଦୋକାନୀ ନିଜ ଦୋକାନ ସମ୍ନୁଖରେ ରେଟ୍ ସାରଣି ଲଟକାଇବା ପାଇଁ ନିର୍ଦେଶ ଦିଆଯାଇଛି। ଚଢା ଦରରେ ଯଦି ଆଳୁର କଳା ବଜାରୀ କରାଯାଇ ଅହେତୁକ ଦର ବୃଦ୍ଧି କରି ବାହାରେ ବିକ୍ରି ହୁଏ ତେବେ ଅଭିଯୋଗ ହେଲେ ଦୋକାନୀ ବିରୋଧରେ ସରକାରୀ ନିୟମ ଅନୁଯାୟୀ ଦୃଢ କାର୍ଯ୍ୟାନୁଷ୍ଟାନ ନିଆଯିବ ବୋଲି ଗୁଣୁପୁର ଯୋଗାଣ ବିଭାଗ ଅଧିକାରୀ ଦେବବ୍ରତ ମହାପାତ୍ର କହିଛନ୍ତି ।
Popular Categories
Previous article
Next article