ମାନହାନୀ ମାମଲାରେ ରାହୁଲ ଗାନ୍ଧୀ ଦୋଷୀ ସାବ୍ୟସ୍ତ , ମୋଦୀଙ୍କ ସାଙ୍ଗିଆକୁ ନେଇ ଏକ ନିର୍ବାଚନ ସଭାରେ ଦେଇଥିଲେ ଆପତ୍ତିଜନକ ମନ୍ତବ୍ୟ

ନୂଆଦିଲ୍ଲୀ – ସୁରାଟର ଏକ ଅଦାଲତ ମାନହାନୀ ମାମଲାରେ ରାହୁଲ ଗାନ୍ଧୀ ଦୋଷୀ ସାବ୍ୟସ୍ତ କରିଛନ୍ତି । ମୋଦୀଙ୍କ ସାଙ୍ଗିଆରେ ସେ ଏକ ନିର୍ବାଚନ ସଭାରେ ଆପତ୍ତିଜନକ ମନ୍ତବ୍ୟ ଦେଇଥିଲେ । ୨୦୧୯ ମସିହାରେ କର୍ଣ୍ଣାଟକର କୋଲାରରେ ଏକ ନିର୍ବାଚନୀ ସଭାରେ ମୋଦୀ ସାଙ୍ଗିଆକୁ ନେଇ ସେ ଏପରି ଆପତ୍ତିଜନକ ମନ୍ତବ୍ୟ ଦେଇଥିଲେ । ଏହାପରେ ରାହୁଲ ଗାନ୍ଧୀଙ୍କ ନାମରେ ସୁରାଟରେ ମାମଲା ରୁଜୁ କରାଯାଇଥିଲା । ତାଙ୍କୁ ଦୁଇ ବର୍ଷ କାରାଦଣ୍ଡାଦେଶ ସହ ଜାମିନ ମଞ୍ଜୁର କରାଯାଇଛି ।

ଶୁକ୍ରବାରରେ ଏହି ମାନହାନୀ ମାମଲର ଶୁଣାଣୀ କରି ସୁରାଟର ମୁଖ୍ୟ ନ୍ୟାୟାଧୀଶ ତାଙ୍କର ରାୟ ଶୁଣାଇଛନ୍ତି । ରାହୁଲ ସଭାରେ ମୋଦୀ ସାଙ୍ଗିଆ ଧାରୀ ଚୋର ବୋଲି କହିଥିବା ଅଭିଯୋଗ ହୋଇଥିଲା । କାହିଁକି ସବୁଚୋର , ନୀରବ ମୋଦୀ କି ଲଳିତ ମୋଦୀ କି ନରେନ୍ଦ୍ର ମୋଦୀ , ମୋଦୀ ସାଙ୍ଗିଆ ଧାରୀ ବୋଲି ରାହୁଲ୍ଲ କହିଥିଲେ । ରାହୁଲ ଗାନ୍ଧୀଙ୍କ ପାଇଁ ମାମଲା ପରିଚାଳନା କରୁଥିବା କିରିତ ପନଓ୍ୱାଲ, ରାହୁଲ ଗାନ୍ଧୀ ସୁରାଟ ଜିଲ୍ଲା ଅଦାଲତରେ ହାଜର ହୋଇପାରନ୍ତି ବୋଲି ସୂଚନା ଦେଇଛନ୍ତି ।

ରାହୁଲ ଗାନ୍ଧୀ ଏହି ମାମଲାରେ ଅଦାଲତଙ୍କ ନିକଟରେ ୨୦୨୧ ଅକ୍ଟୋବରରେ ହାଜର ହୋଇଥିଲେ । ତାଙ୍କ ନାମରେ ଭାରତୀୟ ପିଙ୍ଗଳଧାରା ୪୯୯ ଏବଂ ୫୦୦ ଅନୁସାରେ ମାମଲା ରୁଜୁ ହୋଇଛି ।

Comments are closed.