ସମାଜ ଡିଜିଟାଲ ଡେସ୍କ: କଂଗ୍ରେସ ସାଂସଦ ପ୍ରାର୍ଥୀ ରାହୁଲ ଗାନ୍ଧୀଙ୍କ ସ୍ଥିତି ମଜଭୁତ ରହିଛି। ଉଭୟ ୱାୟନାଡ ଏବଂ ରାଏବରେଲୀରୁ ରାହୁଲ ଏଥର ସାଂସଦ ପ୍ରାର୍ଥୀ ହୋଇ ନିର୍ବାଚନ ଲଢ଼ୁଥିବାବେଳେ ଉଭୟ ସ୍ଥାନରେ ସେ ବହୁ ଆଗରେ ରହିଛନ୍ତି।
ୱାୟନାଡରେ ରାହୁଲ ୩ ଲକ୍ଷ ୧୩ ହଜାର ଭୋଟରେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ତଥା ସିପିଆଇ ପ୍ରାର୍ଥୀ ଆନ୍ନି ରାଜାଙ୍କଠାରୁ ଆଗରେ ରହିଛନ୍ତି। ଏଠାରେ ରାହୁଲ ୫ ଲକ୍ଷ ୭୮ ହଜାର ୩୪୫ ଭୋଟ ପାଇଛନ୍ତି। ସେହିପରି ରାଏବରେଲୀରେ ବି ରାହୁଲ ଆଗରେ ଅଛନ୍ତି। ସେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ତଥା ବିଜେପି ପ୍ରାର୍ଥୀ ଦୀନେଶ ପ୍ରତାପ ସିଂହଙ୍କଠାରୁ ୨ ଲକ୍ଷ ୩୮ ହଜାର ୮୮୯ ଭୋଟରେ ଆଗରେ ରହିଛନ୍ତି। ଅପରାହ୍ନ ୨ଟା ସୁଦ୍ଧା ଏଠାରେ ରାହୁଲ ୪ ଲକ୍ଷ ୫୫ ହଜାର ୫୧୦ ଭୋଟ ପାଇଛନ୍ତି।
Comments are closed.