ବୌଦ୍ଧ : ବୌଦ୍ଧ ଜିଲ୍ଲାରେ ଶାରଦୀୟ ପୂଜା ଧୂମଧାମରେ ଅନୁଷ୍ଠିତ ହେଉଥିବା ବେଳେ ଜିଲ୍ଲାର ବିଭିନ୍ନ ସ୍ଥାନରେ ପୂଜା ମଣ୍ଡପ ଗୁଡିକୁ ଆକର୍ଷଣୀୟ କରିବା ପାଇଁ ବିଭିନ୍ନ ଭାବରେ ସାଜସଜା କରାଯାଇଥିଲା। ହେଲେ ଜିଲ୍ଲାର ହରଭଙ୍ଗା ବ୍ଲକର ସରସରା ଗ୍ରାମରେ ପୋଖରୀ ମଧ୍ୟରେ ଶିବ ଓ ଗଣେଶଙ୍କ ପୂଜା ମଣ୍ଡପ କରାଯାଇଥିଲା। ଯାହାକି ବେଶ ଆକର୍ଷକ ହୋଇଥିଲା। ଏହାକୁ ଦେଖିବା ପାଇଁ ଲୋକଙ୍କ ଭିଡ ଜମିଥିଲା। ଭକ୍ତଙ୍କ ଦର୍ଶନ ପାଇଁ ମଧ୍ୟ ମଧ୍ୟରେ ପାଣି ଉପରେ ଅସ୍ଥାୟୀ ରାସ୍ତା କରାଯାଇଥିଲା। ସରସରା ଗ୍ରାମବାସୀଙ୍କ ଦ୍ୱାରା ଏକ ନିଆରା ଢଙ୍ଗରେ ଏଭଳି ଆୟୋଜନ କରାଯାଇଛି। ଆଖପାଖ ଅଂଚଳର ଶହ ଶହ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ଏପରିକି ୫୭ ନମ୍ବର ଜାତୀୟ ରାଜପଥ କଡରେ ହୋଇଥିବାରୁ ଏହି ବାଟଦେଇ ଯାଉଥିବା ଯାତ୍ରୀମାନେ ଏଠାରେ ଅଟକି ଠାକୁରଙ୍କ ଦର୍ଶନ କରିଥାନ୍ତି। ଗତ କିଛି ବର୍ଷ ହେବା ଗ୍ରାମବାସୀଙ୍କ ଉଦ୍ୟମରେ ଏଭଳି ପୋଖରୀ ମଧ୍ୟରେ ପୂଜା ମଣ୍ଡପ କରାଯାଉଛି।
Comments are closed.