ସମ୍ବଲପୁର : ଆଗାମୀ ଗଣେଶ ପୂଜା, ଦଶହରା ଉତ୍ସବ ଅବସରରେ ରାବଣ ପୋଡି, ବିସର୍ଜନ ଶୋଭାଯାତ୍ରା ଆଦି ଅନୁମତି ଲୋଡି ଉପ ଜିଲାପାଙ୍କ ନିକଟରେ ସାର୍ବଜନୀନ ମହାନଗର ପୂଜା କମିଟିର ସଦସ୍ୟ ମାନେ ସୋମବାର ପୂର୍ବାହ୍ନରେ ଦ୍ୱାରସ୍ଥ ହୋଇଥିଲେ। ଉପ ଜିଲାପାଳଙ୍କ କାର୍ଯ୍ୟାଳୟକୁ ୫୨ଟି ପୂଜା କମିଟିର କର୍ମକର୍ତ୍ତା ମାନେ ଯାଇ ଆବେଦନ କରିଛନ୍ତି । ବିଶ୍ୱଜିତ ଦେହୁରୀ, ଅଜୁ ସେନାପତି, ଅଭିଜିତ ମହାନ୍ତି, ମହେଶ ବହିଦାର, ସୁବ୍ରତ ପାଣିଗ୍ରାହୀ, ସୁରଜ ତାଣ୍ଡି, ଅଲେଖ ପଟ୍ଟନାୟକ, ଇନ୍ଦ୍ରଜିତ ଡନସନା, ଅନୀଲ ଜେନା, ସୁଶାନ୍ତ ଦଣ୍ଡସନାଙ୍କ ସମେତ କମିଟି ଗୁଡିକର ଅନେକ କର୍ମକର୍ତ୍ତା ଏହି ଅବସରରେ ଉପସ୍ଥିତ ରହିଥିଲେ। ସୂଚନାଯୋଗ୍ୟ ଯେ, ବିଗତ ଏପ୍ରିଲ ମାସରେ ହନୁମାନ ଜୟନ୍ତୀ ଅବସରରେ ହୋଇଥିବା ସାମ୍ପ୍ରଦାୟିକ ହିଂସାକାଣ୍ଡକୁ ଧ୍ୟାନରେ ରଖି ପ୍ରଶାସନ ପକ୍ଷରୁ ଧାର୍ମିକ ଶୋଭାଯାତ୍ରା ଉପରେ କଟକଣା ଲଗାଯାଇଛି। ସମ୍ବଲପୁର ସହରରେ ଶହ ଶହ ବର୍ଷ ଧରି ଧାର୍ମିକ ଓ ସାଂସ୍କୃତିକ ଉତ୍ସବ ଶାନ୍ତିଶୃଙ୍ଖଳାର ସହିତ ପାଳିତ ହୋଇ ଆସୁଥିବା ବେଳେ ପ୍ରଶାସନ ଓ ଜନତାଙ୍କ ମଧ୍ୟରେ ଉତ୍ତମ ତାଳମେଳ ଯୋଗୁଁ ଏପ୍ରିଲ ମାସର ଘଟଣା ପରେ ମଧ୍ୟ ଶୀତଳଷଷ୍ଠୀ, ଇଦୁଲଫିତର, ମହରମ ଭଳି ପର୍ବ ସୁରୁଖୁରୁରେ ସମ୍ପନ୍ନ ହୋଇଛି । ଏଣୁ ପାର୍ବଣ ସମୟରେ ପୂଜା କମିଟି ଗୁଡିକ ଶୋଭାଯାତ୍ରା ପାଇଁ ଅନୁମତି ପ୍ରଦାନ ପାଇଁ ଦାବି କରି ଆସୁଛନ୍ତି । ଏହି ମର୍ମରେ ଗତ ୧୩ ତାରିଖରେ ଜିଲା ପ୍ରଶାସନକୁ ମଧ୍ୟ ସାର୍ବଜନୀନ ପୂଜା କମିଟି ସମ୍ବଲପୁର ମହାନଗର ନିଗମ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଛି ।
Popular Categories
Previous article
Next article