ନିର୍ବନ୍ଧ ପରେ ଆଜିକାଲି ବଲିଉଡର ପ୍ରିୟଙ୍କା ଚୋପ୍ରା ଖବରର ଶୀର୍ଷରେ ଅଛନ୍ତି। ନିର୍ବନ୍ଧ ପରେ ଜ୍ଞାତିପରିଜନଙ୍କ ସହ କିଛି ସମୟ ଅତିବାହିତ କରିବା ନିମନ୍ତେ ସେ ମୁମ୍ବଇରେ ଥିଲେ। ଏବେ ପୁଣି ସେ ନିଜ ହଲିଉଡ ପ୍ରୋଜେକ୍ଟ କାମ ଆରମ୍ଭ କରିସାରିଲେଣି। ବିବାହ ତାରିଖ ଯଦିଓ ତାଙ୍କର ସ୍ଥିର ହୋଇନାହିଁ, କିନ୍ତୁ ଖୁବ୍ ଶୀଘ୍ର ସ୍ଥିର ହେବ ବୋଲି ତାଙ୍କ ମା’ ମଧୁ ଚୋପ୍ରା ଗଣମାଧ୍ୟମକୁ ଜଣାଇଛନ୍ତି। ଅନ୍ୟପାଖେ ନ୍ୟୁୟର୍କରେ ପହଞ୍ଚିବା ପରେ ପ୍ରିୟଙ୍କା ସାମାନ୍ୟ ବିରତି ନେବାକୁ ଚାହିଁଛନ୍ତି। ଭାବୀ ସ୍ବାମୀ ନିକ୍ ଜୋନସ୍ ଓ ତାଙ୍କ ଶ୍ବଶୁର ଘର ଲୋକଙ୍କ ସହ ପିସି(ପ୍ରିୟଙ୍କା ଚୋପ୍ରା) ଏବେ ମେକ୍ସିକୋରେ ଛୁଟି କାଟିବେ। ପ୍ରାୟ ୧ ସପ୍ତାହ ମେକ୍ସିକୋରେ ସମୟ ଅତିବାହିତ କରିବାରେ ନିଜ କାମ ଆରମ୍ଭ କରିବେ ବୋଲି ପ୍ରିୟଙ୍କା ସେଠା ଗଣମାଧ୍ୟମକୁ ସ୍ପଷ୍ଟ କରିଛନ୍ତି।
