ନୂଆଦିଲ୍ଲୀ : ପୂର୍ବତନ ବିଶ୍ୱସୁନ୍ଦରୀ ତଥା ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବଂ ଆମେରିକୀୟ ଗାୟକ ନିକ ଜୋନାସ୍ଙ୍କ ପ୍ରେମ ସମ୍ପର୍କକୁ ନେଇ ଦୀର୍ଘ ଦିନ ଧରି ଚାଲିଥିବା ଆଲୋଚନାରେ ପୂର୍ଣ୍ଣଛେଦ ପଡିଛି। ଶନିବାର ସେମାନେ ନିଜ ପ୍ରେମକୁ ବିଧିବଦ୍ଧ ସମ୍ପର୍କର ମାନ୍ୟତା ଦେଇଛନ୍ତି। ନିଜନିଜ ପରିବାର ଲୋକଙ୍କ ଉପସ୍ଥିତିରେ ପୂର୍ବାହ୍ଣରେ ଉଭୟଙ୍କ ରୋକା ଏବଂ ନିର୍ବନ୍ଧ ଶେଷ ହୋଇଛି। ସନ୍ଧ୍ୟାରେ ଅନୁଷ୍ଠିତ ଏକ ବିଳାଶପୂର୍ଣ୍ଣ ନୈଶ୍ୟଭୋଜିରେ ନିକ୍ଙ୍କୁ ନିଜ ବନ୍ଧୁ ପରିଜନଙ୍କ ସହିତ ସାକ୍ଷାତ କରାଇଛନ୍ତି ପ୍ରିୟଙ୍କା। ନିକ୍ ଏବଂ ପ୍ରିୟଙ୍କାଙ୍କ ମାତାପିତା ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି। ନିର୍ବନ୍ଧକୁ ପ୍ରିୟଙ୍କା ୨୦୦ ଅତିଥିଙ୍କୁ ଆମନ୍ତ୍ରଣ କରିଥିଲେ। ଏମାନଙ୍କ ମଧ୍ୟରୁ ଅଧିକାଂଶ ଆମେରିକାରୁ ଆସିଥିବାରୁ ସେମାନଙ୍କ ପାଇଁ ବିଳାସପୂର୍ଣ୍ଣ ହୋଟେଲରେ ୨୦୦ଟି କୋଠରି ବୁକିଂ କରାଯାଇଥିଲା। ରଣବୀର ସିଂହ, କରଣ ଜୋହର, ମନିଷ ମାଲହୋତ୍ରା, ସୋଫି ଚୌଧୁରୀ ଏବଂ ରବିନା ଟଣ୍ଡନ୍ଙ୍କ ଭଳି ସିନେଜଗତର ବହୁ ତାରକା ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ନିର୍ବନ୍ଧରେ ଯୋଗଦେବା ନିମନ୍ତେ ମାତା ଡେନିସ୍ ମିଲର୍ ଜୋନାସ୍ ଏବଂ ପିତା ପଲ୍ କେଭିନ୍ ଜୋନାସ୍ ଶୁକ୍ରବାର ରାତିରେ ଭାରତରେ ପହଞ୍ଚିଥିଲେ।
ତେବେ ଖୁବ ଶ୍ରୀଘ୍ର ବିବାହ ତାରିଖ ଘୋଷଣା କରାଯିବ। ଅନ୍ୟପକ୍ଷରେ ଭାରତ କିମ୍ବା ଆମେରିକାରେ ବିବାହ ଅନୁଷ୍ଠିତ ହେବ ସେ ନେଇ ପରେ ସୂଚନା ଦିଆଯିବ ବୋଲି ପ୍ରିୟଙ୍କା ଙ୍କ ପରିବାର ପକ୍ଷରୁ କୁହାଯାଇଛି।
ପ୍ରିୟଙ୍କା-ନିକ୍ଙ୍କ ନିର୍ବନ୍ଧ ଶେଷ : ଖୁବ ଶୀଘ୍ର ବିବାହ
Popular Categories
Previous article
Next article