ମହାକାଳ ମନ୍ଦିରରେ ଭସ୍ମ ଆରତୀ ବେଳେ ନିଆଁଧାସରେ ପୂଜାରୀ ସମେତ ୧୩ ଆହତ
ଭୋପାଳ- ମଧ୍ୟପ୍ରଦେଶର ପ୍ରସିଦ୍ଧ ମହାକାଳ ମନ୍ଦିରରେ ଆରତୀ ସମୟରେ ନିଆଁ ଧାସରେ ପୂଜାରୀଙ୍କ ସମେତ ୧୩ ଜଣ ଆହତ ହୋଇଛନ୍ତି । ଆରତୀ ସମୟରେ ଫଗୁ ରଙ୍ଗ ପକାଇବା ବେଳେ ନିଆଁ ଲାଗିଯାଇଥିଲା । ଏହାପରେ ଉପରେ ଲାଗିଥିବା ଚାନ୍ଦୁଆ ଏବଂ ଅନ୍ୟ ସାମଗ୍ରୀରେ ନିଆଁ ଲାଗି ଶ୍ରଦ୍ଧାଳୁଙ୍କ ଉପରେ ପଡିଥିଲା ।
ସମସ୍ତଙ୍କୁ ଚିକିତ୍ସା ପାଇଁ ତୁରନ୍ତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯଆଇଥିଲା । ଏବେ ସମସ୍ତେ ବିପଦମୁକ୍ତ ଥିବା ଡାକ୍ତରଖାନା ପକ୍ଷରୁ କୁହାଯାଇଛି ।
ଉଜ୍ଜୟନୀର ଜିଲ୍ଲାପାଳ ନୀରଜକୁମାର ସିଂଙ୍କ ଅନୁସାରେ ସୋମବାର ସକାଳେ ଏହି ଘଟଣା ଘଟିଥିଲା । ଭସ୍ମ ଆରତି ସମୟରେ ନିଆଁ ଲାଗିଯାଇଥିଲା । ତେବେ କେଉଁ ଧରଣର ପଦାର୍ଥ ଯୋଗୁଁ ନିଆଁ ଲାଗିଛି ତାହାର ଯାଞ୍ଚ କରାଯିବ ବୋଲି ସେ କହିଛନ୍ତି । ପ୍ରାଥମିକ ଯାଞ୍ଚରୁ ଫଗୁ ଢଳା ଯାଇଥିବା ବେଳେ ନିଆଁ ଲାଗିଥିବା କଥା ସେ କହିଛନ୍ତି ।
Comments are closed.