କିଙ୍ଗ ଚାର୍ଲସଙ୍କୁ ଭେଟିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ

ନୂଆଦିଲ୍ଲୀ: ଆଜି ରାଣୀ ଏଲିଜାବେଥ୍‌ ଦ୍ୱିତୀୟଙ୍କ ଶେଷକୃତ୍ୟ ହେବ । ଏଥିଲାଗି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଲଣ୍ଡନ ଗସ୍ତରେ ରହିଛନ୍ତି । ଗତକାଲି ରାଷ୍ଟ୍ରପତି ମୁର୍ମୁ ଲଣ୍ଡନ ଯାଇଥିବା ବେଳେ ଆଜି କିଙ୍ଗ ଚାର୍ଲସଙ୍କୁ ଭେଟିଥିବା ଜଣାପଡ଼ିଛି । ବକିଂହାମ୍‌ ପ୍ୟାଲେସରେ କିଙ୍ଗ ଚାର୍ଲସଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଭେଟିଛନ୍ତି । ରାଣୀ ଏଲିଜାବେଥ୍‌ ଦ୍ୱିତୀୟଙ୍କ ଶେଷକୃତ୍ୟ ପୂର୍ବରୁ ଉଭୟଙ୍କ ସାକ୍ଷାତ ହୋଇଛି ।

ଭାରତ ସରକାରଙ୍କ ତରଫରୁ ରାଣୀ ଏଲିଜାବେଥ୍‌ଙ୍କ ଶେଷକୃତ୍ୟରେ ଯୋଗ ଦେବାକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଲଣ୍ଡନ ଯାଇଥିବା ସୂଚନା ଦିଆଯାଇଛି । ଏନେଇ ରାଷ୍ଟ୍ରପତି ଭବନ ତରଫରୁ ଟ୍ବିଟ୍‌ କରାଯାଇଛି । ଗତ ୧୨ ତାରିଖରେ ଭାରତୀୟ ବୈଦେଶିକ ମନ୍ତ୍ରୀ ଏସ୍‌.ଜୟଶଙ୍କର ବ୍ରିଟିଶ୍‌ ଦୂତାବାସକୁ ଯାଇ ଭାରତ ତରଫରୁ ଶୋକ ପ୍ରକାଶ କରିଥିଲେ । ଗତ ୮ ତରିଖରେ ବ୍ରିଟେନ ରାଣୀ ଏଲିଜାବେଥ୍‌ ଦ୍ବିତୀୟଙ୍କ ପରଲୋକ ହୋଇଥିଲା ।