ଗୋପାଳପୁର : ଆଉ ୨ ଦିନ ପରେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବ୍ରହ୍ମପୁର ବିଶ୍ଵବିଦ୍ୟାଳୟ ପକ୍ଷରୁ ଆୟୋଜିତ ହେବାକୁ ଥିବା ୨୫ ତମ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେବେ। ଏନେଇ ପୁଲିସ, ପ୍ରଶାସନ ସମେତ ବ୍ରହ୍ମପୁର ବିଶ୍ଵବିଦ୍ୟାଳୟ ପକ୍ଷରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ଆଜି ରାଷ୍ଟ୍ରପତିଙ୍କ ଗସ୍ତ ସୁରକ୍ଷା ବ୍ୟବସ୍ଥା ପାଇଁ ବ୍ରହ୍ମପୁର ଆରକ୍ଷୀ ଅଧିକ୍ଷକ ଡ଼ ଶ୍ରବଣା ବିବେକ ବିଶ୍ବବିଦ୍ୟାଳୟ କ୍ୟାମ୍ପସରେ ପହଞ୍ଚି ବିମାନ ପଡିଆଠାରୁ ସଭାସ୍ଥଳ ପର୍ଯ୍ୟନ୍ତ ବ୍ୟାରିକେଡ୍ ବ୍ୟବସ୍ଥା ଯାଞ୍ଚ କରିବା ସହ ପୁଲିସ ଅଧିକାରୀଙ୍କ ସହ ଆଲୋଚନା କରିଥିଲେ।
ସ୍ଥାନୀୟ ବିଜୁ ପଟ୍ଟନାୟକ ଅଡିଟୋରିୟମ ପରିସରରେ ରାଷ୍ଟ୍ରପତିଙ୍କ ୪୫ ମିନିଟ ରହଣୀ ନିମନ୍ତେ ଧାର୍ଯ୍ୟ କରାଯାଇଥିବା ସହ ବିଭିନ୍ନ ବିଭାଗର ୩୫ ଜଣ ଟପ୍ପର ଛାତ୍ରଛାତ୍ରୀଙ୍କ ସ୍ବର୍ଣ୍ଣ ପଦକ, ୪୩ ପିଏଚଡ଼ି, ୩ ଡିଲିଟଙ୍କ ମଧ୍ୟରୁ ଇତିହାସ ବିଭାଗର ଡ଼. ହରିହର ପଣ୍ଡା, ଓଡ଼ିଆ ବିଭାଗର ଡ଼. ଉଷାରାଣୀ ରଥ, ତେଲୁଗୁ ବିଭାଗର ଡ଼. ଜି. ଥୀରୁପଥମା ଏବଂ ଡ଼ିଏସସି ବାଇଓ ଟେକ୍ନୋଲୋଜି ବିଭାଗର ଡ଼ ହରିକ୍ରୀଷ୍ଣା ରାମ ପ୍ରସାଦ ଶାରିପଲ୍ଲୀଙ୍କୁ ସମ୍ମାନିତ କରାଯିବ l ଏ ନେଇ ବ୍ରହ୍ମପୁର ଏସପିଙ୍କ ସହ ଯୋଗାଯୋଗବେଳେ ସେ ସୂଚନା ଦେଇଛନ୍ତି କି ସୁରକ୍ଷା ପାଇଁ କ୍ୟାମ୍ପସ ପରିସରରେ ୧୧ ପ୍ଲାଟୁନ ପୁଲିସ ଫୋର୍ସଙ୍କ ସମେତ ପ୍ରାୟ ୩୦ ଅଫିସର ନିୟୋଜିତ ରହିବେ ।
Comments are closed.