କଟକ: କଟକ-ଚୌଦ୍ୱାର ବିଧାୟକ ପ୍ରଭାତ ବିଶ୍ୱାଳ ଆଜି ଡିସଚାର୍ଜ ହୋଇଛନ୍ତି। ଗିରଫ ପରେ ସେ ଅସୁସ୍ଥ ହୋଇଯିବାରୁ ଦୀର୍ଘ ଦିନ ଧରି ଏସସିବିରେ ଚିକିତ୍ସିତ ହେଉଥିଲେ। ଅଧିକ ଚିକିତ୍ସା ପାଇଁ ସେ ଆଜି ଦିଲ୍ଲୀ ଯାଇଛନ୍ତି। ନିଜ ମହାନଦୀ ବିହାରସ୍ଥିତ ବାସଭବନରେ ସେ ତାଙ୍କ ବାପା ଓ ମା’ ଙ୍କୁ ଭେଟିବା ପରେ ଦିଲ୍ଲୀ ଯାଇଛନ୍ତି। ପ୍ରଭାତଙ୍କ ବାସଭବନରେ ହଜାର ହଜାର ସମର୍ଥକଙ୍କ ଭିଡ ଦେଖିବାକୁ ମିଳିଥିଲା।
ସିସୋର ଚିଟଫଣ୍ଡ ମାମଲାରେ ପ୍ରଭାତଙ୍କୁ ଗିରଫ କରାଯାଇଥିଲା। ଗିରଫ ପରେ ସେ ଅସୁସ୍ଥ ହୋଇଯାଇଥିଲେ। ଅସୁସ୍ଥ ହେବା ପରେ ହାଇକୋର୍ଟ ତାଙ୍କୁ ସର୍ତ୍ତମୂଳକ ଅନ୍ତରୀଣ ଜାମିନ ପ୍ରଦାନ କରିଥିଲେ। ୨୫ ଲକ୍ଷ ଟଙ୍କା ବ୍ୟାଙ୍କ ଜମା ସହ ୫ ଲକ୍ଷ ଟଙ୍କା ଲେଖାଏଁ ୨ ଜଣ ଜାମିନଦାରଙ୍କ ମୁଚାଲିକାରେ ପ୍ରଭାତ ବିଶ୍ୱାଳଙ୍କୁ ଜାମିନ ପ୍ରଦାନ କରାଯାଇଛି ।
