ଆଠଗଡ:ମ୍ୟାଜେଷ୍ଟିକ୍ କ୍ରିକେଟ କ୍ଲବ ଆନୁକୁଲ୍ୟରେ ଆଠଗଡ ମୁଖ୍ୟ କ୍ରୀଡାଙ୍ଗନରେ ଚାଲିଥିବା ୧୯ତମ ପ୍ରଦୀପ-ପ୍ରଦୋଷ ସ୍ମାରକୀ କ୍ରିକେଟ ଟୁର୍ଣ୍ଣାମେଣ୍ଟ ରବିବାର ଫାଇନାଲ ମ୍ୟାଚ ସହିତ ଉଦ୍ଯାପିତ ହୋଇଯାଇଛି। ବାଙ୍କୀ କୁମାରବସ୍ତର ରାଇଜିଂଷ୍ଟାର କ୍ଲବ ଖୋର୍ଦ୍ଧାର କଳିଙ୍ଗ କ୍ରିକେଟ କ୍ଲବକୁ ୫ୱିକେଟ ବ୍ୟବଧାନରେ ହରାଇ ଚମ୍ପିଆନ ଆଖ୍ୟା ଅର୍ଜନ କରିଥିଲେ। ଟସ୍ଜିତି ପ୍ରଥମେ ବ୍ୟାଟିଂ କରିଥିବା କଳିଙ୍ଗକ୍ଲବ ନିର୍ଦ୍ଧାରିତ ୨୦ ଓଭରରେ ବ୍ୟାଟ୍ସମ୍ୟାନ ଟୁନୁ ଖଟୁଆଙ୍କ ୪୨ରନ୍ ସହାୟତାରେ ୧୮୧ରନ୍ ସଂଗ୍ରହ କରିଥିଲା। ୧୮୨ରନ୍ ବିଜୟ ଲକ୍ଷର ଅନୁଧାବନ କରିଥିବା ରାଇଜିଂଷ୍ଟାର କ୍ଲବ ୧୯ ଓଭରରେ ୫ୱିକେଟ ହରାଇ ଆବଶ୍ୟକୀୟ ରନ୍ ସଂଗ୍ରହ କରି ବିଜୟୀ ହେବା ସହ ଚମ୍ପିଆନ୍ ଆଖ୍ୟା ଅର୍ଜନ କରିଥିଲା। କୁମାରବସ୍ତ ଦଳର ସୁନୀଲ ସାହୁ ମ୍ୟାନ ଅଫ ଦି ମ୍ୟାଚ ଓ କଳିଙ୍ଗ କ୍ଲବର ଟୁୁନୁ ଖଟୁଆ ମ୍ୟାନ ଅଫ ଦି ସିରିଜ ବିବେଚିତ ହେବା ସହ ପୁରସ୍କୃତ ହୋଇଥିଲେ।
କ୍ଲବର ସଂପାଦକ ନଳିନୀକାନ୍ତ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଉଦ୍ଯାପନୀ ଉତ୍ସବରେ ସ୍ଥାନୀୟ ବିଧାୟକ ତଥା ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ମୁଖ୍ୟଅତିଥି ରୂପେ ଯୋଗଦେଇ ଉଦ୍ବୋଧନ ଦେବା ସହ ଚମ୍ପିଆନ ଓ ରନର୍ସଅଫ ଦଳକୁ ଟ୍ରଫି ଏବଂ ପୁରସ୍କାର ରାଶି ପ୍ରଦାନ କରିଥିଲେ। ଏଥିରେ ସମ୍ମାନିତ ଅତିଥିଭାବେ ସମାଜସେବୀ ବିରଞ୍ଚି ନାରାୟଣ ପଟ୍ଟନାୟକ ଓ ମହିର କୁମାର ତ୍ରିପାଠୀ ଯୋଗଦେଇଥିଲେ। ମ୍ୟାଜେଷ୍ଟିକ କ୍ଲବର ସମସ୍ତ ସଦସ୍ୟ ଏହି ଟୁର୍ଣ୍ଣାମେଣ୍ଟ ପରିଚାଳନାରେ ସହଯୋଗ କରିଥିଲେ।
Comments are closed.