ହତ୍ୟା ବେଳର ଦୃଶ୍ୟ ଭାଇରାଲ ଭିଡିଓକୁ ସ୍ପଷ୍ଟ କଲା ପୁରୁଷୋତ୍ତମପୁର ଥାନା ପୁଲିସ

ପୋଲସରା: ଯୁବକଙ୍କୁ ହତ୍ୟାର ଭିଡିଓ ଭାଇରାଲ ଘଟଣାର ଭାଇରାଲ ଭିଡିଓକୁ ସ୍ପଷ୍ଟ କଲା ପୁରୁଷୋତ୍ତମପୁର ଥାନା ପୁଲିସ। ହତ୍ୟା ବେଳର ଦୃଶ୍ୟ ଭାଇରାଲ କରାଯାଇଥିବା ସ୍ପଷ୍ଟ କଲେ ଏସଡିପିଓ। ପୂର୍ବରୁ ୫ ଓ ଗତକାଲି ଆଉ ୨ ଜଣଙ୍କୁ ଗିରଫ କରିଛି ପୁଲିସ। ୭ ଗିରଫ ପରେ ଅନ୍ୟ ଅଭିଯୁକ୍ତକୁ ଚିହ୍ନଟ କରି ଖୋଜୁଛି ପୁଲିସ। ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି।

ଚିଙ୍ଗୁଡ଼ିଘାଇ ସ୍କୁଲ ନିକଟରୁ ଉଦ୍ଧାର ହୋଇଥିଲା ମୃତଦେହ। ମୃତଦେହ ଉଦ୍ଧାର ପରେ ହତ୍ୟାର ଭିଡିଓ ଭାଇରାଲ ହୋଇଥିଲା। ଯୁବକଙ୍କୁ ଖୁଣ୍ଟରେ ବାନ୍ଧି ଅତି ଅମାନୁଷିକ ଭାବେ ମାଡ଼ ମରାଯାଉଛି। କାକୁତିମିନତି ସତ୍ତ୍ବେ ପିଠିକୁ କାଠ ଫାଳିଆରେ ପିଟାଯାଉଛି। ଏଭଳି ବର୍ବରକାଣ୍ଡକୁ ଶତାଧିକ ଲୋକ ଦେଖଣାହାରି ସାଜିବା ଚକିତ କରିଛି ବୋଲି ଏସଡିପିଓ ପ୍ରକାଶ କରିଛନ୍ତି।