ଭୁବନେଶ୍ୱର: ପଞ୍ଜାବ ନ୍ୟାଶନାଲ୍ ବ୍ୟାଙ୍କ, ଅଞ୍ଚଳ କାର୍ଯ୍ୟାଳୟ, ଭୁବନେଶ୍ୱର ତରଫରୁ ସ୍ଥାନୀୟ ଶ୍ରୀ ବିଶ୍ୱେଶର ମହାଦେବ ମନ୍ଦିର, ଜଗମୋହନ ନଗର, ଭୁବନେଶ୍ୱର ପ୍ରାଙ୍ଗଣରେ ସଫାଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବ୍ୟାଙ୍କ ତରଫରୁ ଜେନେରାଲ୍ ମ୍ୟାନେଜର ଉଦୟ ଭାସ୍କର ରେଡ୍ଡି, ଡିଜିଏମ୍
ଜନ୍ମେଜୟ ଦିକ୍ଷିତ, ଏଜିଏମ୍ ସମରେନ୍ଦ୍ର ପଣ୍ଡା ଏବଂ ପ୍ରାୟ ୫୦ ଜଣରୁ ଅଧିକ ଅନ୍ୟାନ୍ୟ ଅଧିକାରୀମାନେ ଅଂଶଗ୍ରହଣ କରିଥିଲେ ।
ଏହି ଅବସରରେ ଶ୍ରୀ ରେଡ୍ଡି ବ୍ୟାଙ୍କର ସି.ଏସ୍.ଆର୍ କାର୍ଯ୍ୟକ୍ରମ ଅନ୍ତର୍ଗତ ମନ୍ଦିରର ଭକ୍ତମାନଙ୍କ ବ୍ୟବହାର ପାଇଁ ଏକ ଫ୍ରିଜ୍ ପ୍ରଦାନ କରିଥିଲେ । ମନ୍ଦିର ଟ୍ରଷ୍ଟର ସଭାପତି ତଥା ପ୍ରତିଷ୍ଠାତା ନିରଞ୍ଜନ ଯୋଗାଣିଆ ବ୍ୟାଙ୍କର ସମସ୍ତ ଅଧିକାରୀମାନଙ୍କୁ ସମ୍ବୋଧନ ଦେଇ ଏହି ମହତ୍ୱ କାର୍ଯ୍ୟକ୍ରମ ପାଇଁ ଧନ୍ୟବାଦ ଅର୍ପଣ କରିଥିଲେ । ଏହି ସଫାଇ କାର୍ଯ୍ୟକ୍ରମରେ ମନ୍ଦିରର ଅନ୍ୟାନ୍ୟ ଟ୍ରଷ୍ଟି ଓ କର୍ମକର୍ତ୍ତାବୃନ୍ଦ ଯଥା ମହେଶ୍ୱର ମାର୍ଥା, ପ୍ରସନ୍ନ କୁମାର ଷଡଙ୍ଗୀ, ସଞ୍ଜୟ କୁମାର ଶୁକ୍ଲା, ପ୍ରଶାନ୍ତ କୁମାର ପଟ୍ଟନାୟକ, ଅଭୟ କୁମାର ମହାପାତ୍ର ଓ ଅନ୍ୟ ଭକ୍ତମାନେ ଯୋଗଦାନ କରି କାର୍ଯ୍ୟକ୍ରମକୁ ସଫଳ କରାଇଥିଲେ ।
Comments are closed.