ଭୁବନେଶ୍ବର: କ୍ରୁତି କଫିର ‘କିନ୍ଦିରିଗୁଡା ନାଚୁରାଲ୍ସ’କୁ ଭାରତର ଏକ ନମ୍ବର ନାଚୁରାଲ୍ କଫି ମାନ୍ୟତା ଓଡିଶା ପାଇଁ ଏହା ଅତ୍ୟନ୍ତ ଗର୍ବର ମୁହୂର୍ତ୍ତ ଯେ ଓଡିଶାର ଏକ କଫି ଭାରତର ଶ୍ରେଷ୍ଠ ନାଚୁରାଲ୍ସ କଫି ଭାବରେ ବାଙ୍ଗାଲୁର ଠାରେ ଅନୁଷ୍ଠିତ ହୋଇଥିବା ପଞ୍ଚମ ବିଶ୍ବ କଫି ସମ୍ମିଳନୀରେ ସମ୍ମାନିତ ହୋଇଛି। ‘କିନ୍ଦିରିଗୁଡା ନାଚୁରାଲ୍ସ’ ହେଉଛି ଏକ କଫି ଏବଂ ଏହା ଭାରତର ସ୍ପେସିଆଲିଟି କଫି ବ୍ରାଣ୍ଡ ଯାହାକି ଓଡ଼ିଶାର କ୍ରୁତି କଫି ଦ୍ୱାରା ବିକଶିତ ହୋଇଛି। ଏହା ଭାରତର ଏକ ଦ୍ରୁତ ବିକସିତ କଫି ବ୍ରାଣ୍ଡ ବୋଲି ଏକ ସାମ୍ବାଦିକ ସମ୍ମିଳନୀରେ ଡ, କାମାକ୍ଷା ଦାସ(ସହ ପ୍ରତିଷ୍ଠାତା, କ୍ରୁତି କଫି), ତପନ ବରିଶାଲ୍( ବାଣିଜ୍ୟ ମୁଖ୍ୟ,କ୍ରୁତି କଫି) ସୂଚନା ଦେଇଛନ୍ତି।
କଫି ପ୍ରକ୍ରିୟାକରଣ ପାଇଁ ନିୟୋଜିତ ବିଭିନ୍ନ ପଦ୍ଧତି ମଧ୍ୟରୁ ‘ନାଚୁରାଲ୍ସ’ ହେଉଛି ସବୁଠାରୁ ଜଟିଳ ପ୍ରକ୍ରିୟା ଯାହା ଉଦ୍ଭିଦ ପରିଚାଳନା ଠାରୁ ଆରମ୍ଭ କରି ଚେରି ତୋଳିବା ପର୍ଯ୍ୟନ୍ତ, ଶଯ୍ୟାରେ ଶୁଖିବା ପର୍ଯ୍ୟନ୍ତ କଫି ମୂଲ୍ୟ ଧାର୍ଯ୍ୟ ପର୍ଯ୍ୟନ୍ତ ନଜର ରଖେ। କ୍ରୁତିି କଫି ଏକ ଦଶନ୍ଧି ମଧ୍ୟରେ ଭାରତର ସର୍ବୋଚ୍ଚ କଫି ଉତ୍ପାଦନକାରୀ ବ୍ରାଣ୍ଡ ଓ କଫି ବିକାଶ କ୍ଷେତ୍ରରେ କାର୍ଯ୍ୟ କରିବା ସହ କଫି ବୃକ୍ଷରୋପଣ କରିଛି। କୋରାପୁଟ ଜିଲ୍ଲାରେ ଅବସ୍ଥିତ କିନ୍ଦିରିଗୁଡା ଆଦିବାସୀ ଅଞ୍ଚଳରେ କଫି ବୃକ୍ଷରୋପଣ କାର୍ଯ୍ୟକ୍ରମ ହାତକୁ ନିଆଯାଇଛି। ଏହି ସଫଳତା ହାସଲ କରିବା ପାଇଁ କ୍ରୁତିି କଫି କଠୋର ବିଶ୍ୱସ୍ତରୀୟ କଫି ପରିଚାଳନା ପ୍ରଣାଳୀକୁ ନିୟୋଜିତ କରିଛି। ଏହି ସଫଳତାକୁ ପାଳନ କରିବା ଏବଂ କିନ୍ଦିରିଗୁଡାର କୃଷକମାନଙ୍କୁ ଉତ୍ସାହିତ କରିବା ପାଇଁ କ୍ରୁତି କଫି ତରଫରୁ ସମ୍ମାନିତ କରାଯିବା ସହ ସେମାନଙ୍କ ବିକାଶ ନିମନ୍ତେ ବିଭିନ୍ନ କାର୍ଯ୍ୟକ୍ରମ ମାନ ହାତକୁ ନିଆ ଯାଇଛି।
