ନୂଆଦିଲ୍ଲୀ: ଦେଶରୁ ପ୍ରତିଭା ପଳାୟନକୁ ରୋକିବା ଉଦେ୍ଦଶ୍ୟରେ ଉଚ୍ଚଶିକ୍ଷା ସଂସ୍ଥାନ ଛାତ୍ରଛାତ୍ରୀଙ୍କ ଲାଗି ପ୍ରଧାନମନ୍ତ୍ରୀ ରିସର୍ଚ୍ଚ ଫେଲୋସିପ୍ (ପିଏମ୍ ଆରଏଫ୍)କୁ କେନ୍ଦ୍ର କ୍ୟାବିନେଟ ମଞ୍ଜୁରୀ ଦେଇଛି । ଆଇଆଇଟି, ଆଇଆଇଏସ୍ଇଆର ଓ ଏନ୍ଆଇଟି ଭଳି ଉଚ୍ଚଶିକ୍ଷା ସଂସ୍ଥାର ଛାତ୍ରଛାତ୍ରୀଙ୍କ ଲାଗି ଏହା ସବୁଠାରୁ ବଡ଼ ସ୍କଲାରଶିପ୍ ହେବ । ପିଏମ୍ଆରଏଫ୍ ଅନୁସାରେ ମନୋନୀତ ମେଧାବୀଙ୍କୁ ମାସିକ ୭୦ରୁ ୮୦ ହଜାର ଟଙ୍କା ମେଧାବୃତ୍ତି ଓ ୨ ଲକ୍ଷ ଟଙ୍କାର ବାର୍ଷିକ ରିସର୍ଚ୍ଚ ଗ୍ରାଣ୍ଟସ୍ ପ୍ରଦାନ କରାଯିବ । ଏହି ଯୋଜନା ପାଇଁ କେନ୍ଦ୍ର ସରକାର ଆସନ୍ତା ୩ ବର୍ଷର ଅବଧି ପାଇଁ ୧୬୫୦ କୋଟି ଟଙ୍କାର ବ୍ୟୟ ଅଟକଳ ନିମନ୍ତେ ମଞ୍ଜୁରୀ ଦେଇଛନ୍ତି । ଏହି ସ୍କିମ୍ ଜରିଆରେ ପ୍ରତ୍ୟେକ ବର୍ଷ ୧୦୦୦ ମେଧାବୃତ୍ତି ପ୍ରଦାନ କରାଯିବ ।
