ପଣ୍ଡିତ ନେହେରୁ ସଂରକ୍ଷଣ ବିରୋଧୀ, ବାବାସାହେବ ନଥିଲେ ଏହା ମିିଳିନଥା’ନ୍ତା: ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜ୍ୟସଭାରେ ବୁଧବାର ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବର ଉତ୍ତର ରଖିଛନ୍ତି। ଏହି ସମୟରେ କଂଗ୍ରେସ ଉପରେ ପ୍ରବଳ ବର୍ଷିଛନ୍ତି ମୋଦୀ। ସେ କଂଗ୍ରେସକୁ ସିଧାସଳଖ ଟାର୍ଗେଟ କରି କହିଛନ୍ତି, ବାବାସାହେବ ନଥିଲେ ସଂରକ୍ଷଣ ମଧ୍ୟ ମିଳିନଥା’ନ୍ତା।

ପ୍ରଧାନମନ୍ତ୍ରୀ ମୋଦୀ ରାଜ୍ୟସଭାରେ କହିଛନ୍ତି, ପଣ୍ଡିତ ନେହେରୁ ସଂରକ୍ଷଣ ବିରୋଧୀ ଥିଲେ। ସେ ଆହୁରି କହିଛନ୍ତି, କଂଗ୍ରେସ ଆମ୍ବେଦକରଙ୍କୁ ଭାରତ ରତ୍ନ ଯୋଗ୍ୟ ଭାବିଲା ନାହିଁ। ଏମାନେ ପୁଣି ଆମକୁ ଉପଦେଶ ଦେଉଛନ୍ତି। ଯେଉଁ କଂଗ୍ରେସର ନିଜ ନେତାଙ୍କର କୌଣସି ଗ୍ୟାରେଣ୍ଟି ନାହିଁ, ନିଜ ନୀତିର ଗ୍ୟାରେଣ୍ଟି ନାହିଁ, ସେ ମୋଦୀ ଗ୍ୟାରେଣ୍ଟି ଉପରେ ପଶ୍ନ ଉଠାଉଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ମୁଁ ସମ୍ମାନର ସହ ନେହେରୁଜୀଙ୍କୁ ବହୁତ ମନେପକାଏ। କିନ୍ତୁ ଥରେ ନେହେରୁଜୀ ମୁଖ୍ୟମନ୍ତ୍ରୀଙ୍କୁ ଏକ ପତ୍ର ଲେଖିଥିଲେ। ସେ ସେହି ପତ୍ରରେ ଲେଖିଥିଲେ, ମୁଁ କୌଣସି ସଂରକ୍ଷଣକୁ ପସନ୍ଦ କରେନାହିଁ। ବିଶେଷକରି ଚାକିରି କ୍ଷେତ୍ରରେ ସଂରକ୍ଷଣ ତ ଆଦୌ ନୁହେଁ। ସେ କହୁଥିଲେ, ଯଦି ଏସ୍‌ସି-ଏସ୍‌ଟି, ଓବିସି ସଂରକ୍ଷଣ ପାଇବେ ତେବେ ସରକାରୀ କାର୍ଯ୍ୟର ସ୍ତର ନିମ୍ନଗାମୀ ହେବ।