ନୂଆଦିଲ୍ଲୀ : ଚୀନର ତିଆନଜିନ୍ରେ ସୋମବାର ସକାଳେ ୩ ରାଷ୍ଟ୍ରର ମୁଖ୍ୟଙ୍କ ସାକ୍ଷାତ ହୋଇଛି । ଏସସିଓ ସମ୍ମିଳନୀ ସମୟରେ ଆଜି ସକାଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଚୀନ ରାଷ୍ଟ୍ରପତି ସି ଜିନପିଙ୍ଗ୍ ଓ ରୁଷର ରାଷ୍ଟ୍ରପତି ପୁଟିନ୍ଙ୍କ ସାକ୍ଷାତ ହୋଇଛି । ୩ ରାଷ୍ଟ୍ର ମୁଖ୍ୟଙ୍କ ସାକ୍ଷାତ ହେବାର ଅନେକ ଫଟୋ ସାମ୍ନାକୁ ଆସିଛି । ଏସବୁ ଫଟୋ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ରକ୍ତଚାପ ବଢାଇପାରେ ବୋଲି ଚର୍ଚ୍ଚା ଜୋର୍ ଧରିଛି । ତିଆନଜିନ୍ରେ ସୋମବାର ପୂର୍ବାହ୍ନ ୧୧ଟାରେ ମହାଶକ୍ତିଙ୍କ ମହାମିଳନ ଦେଖିବାକୁ ମିଳିଛି । ଏହାସହ ଜଡିତ ଅନେକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ମଧ୍ୟ ହେଉଛି । ଗୋଟିଏ ଭିଡିଓରେ ରାଷ୍ଟ୍ରପତି ସି ଜିନ୍ପିଙ୍ଗ, ରାଷ୍ଟ୍ରପତି ପୁଟିନ୍ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପରସ୍ପରର ନିକଟରେ ଠିଆ ହୋଇ ହସଖୁସିରେ କଥାବାର୍ତ୍ତା ହେଉଥିବା ଦେଖାଯାଉଛି ।
Interactions in Tianjin continue! Exchanging perspectives with President Putin and President Xi during the SCO Summit. pic.twitter.com/K1eKVoHCvv
— Narendra Modi (@narendramodi) September 1, 2025
Always a delight to meet President Putin! pic.twitter.com/XtDSyWEmtw
— Narendra Modi (@narendramodi) September 1, 2025
ସାକ୍ଷାତର ଅନେକ ଫଟୋ ପ୍ରଧାନମନ୍ତ୍ରୀ ମୋଦୀ ଏକ୍ସରେ ଶେୟାର କରିଛନ୍ତି । ପୋଷ୍ଟରେ ଲେଖିଛନ୍ତି ଯେ, ତିଆନଜିନ୍ରେ ଜାରି ରହିଛି କଥାବାର୍ତ୍ତା । ଏସସିଓ ଶିଖର ସମ୍ମିଳନୀ ସମୟରେ ରାଷ୍ଟ୍ରପତି ପୁଟିନ୍ ଓ ରାଷ୍ଟ୍ରପତି ସି ଜିନ୍ପିଙ୍ଗଙ୍କ ସହ ବିଚାରର ଆଦାନ-ପ୍ରଦାନ।
ପ୍ରଧାନମନ୍ତ୍ରୀ ମୋଦୀ ରୁଷ ରାଷ୍ଟ୍ରପତି ପୁଟିନ୍ଙ୍କ ସହ ସାକ୍ଷାତର ଏକ ଫଟୋ ଶେୟାର କରି ଲେଖିଛନ୍ତି, ପୁଟିନ୍ଙ୍କ ସହ ଦେଖାହେବା ସର୍ବଦା ଆନନ୍ଦଦାୟକ ହୋଇଥାଏ ।
ଚୀନ ରାଷ୍ଟ୍ରପତି ସି ଜିନପିଙ୍ଗ ରାଷ୍ଟ୍ରପତି ପୁଟିନ୍ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ୨୦ରୁ ଅଧିକ ବିଶ୍ୱ ନେତାଙ୍କ ଉପସ୍ଥିତିରେ ଅନେକ ଗୁରୁତ୍ୱପୂର୍ଣ୍ଣ ଆଲୋଚନା କରିଛନ୍ତି ।
PM @narendramodi, Russian President Vladimir Putin, and Chinese President Xi Jinping had a candid interaction at the venue of the Shanghai Cooperation Council (SCO) Summit in Tianjin, China.@MEAIndia @PMOIndia @EOIBeijing#SCOSummit2025 #PMModiInChina #ModiChinaVisit #SCOSummit pic.twitter.com/d8tltTPZw8
— DD News (@DDNewslive) September 1, 2025
ସି ଜିନପିଙ୍ଗ୍ ଏସସିଓ ସମ୍ମେଳନର ଉଦଘାଟନ ଉପରେ ପ୍ରାଥମିକତାର ରୂପରେଖା ପ୍ରସ୍ତୁତ କରିଛନ୍ତି । ସେ କହିଛନ୍ତି ଯେ, ଏସସିଓ ଦେଶର ସଂଯୁକ୍ତ ଅର୍ଥବ୍ୟବସ୍ଥାରେ ୩୦ ଟ୍ରିଲିୟନ ଡଲାରରେ ପହଞ୍ଚଛି । ଏହି ସଙ୍ଗଠନର ବୈଷୟିକ ଆର୍ଥିକ ପ୍ରଭାବ ବୃଦ୍ଧି ପାଉଛି ।
Had a fruitful meeting with President Xi Jinping in Tianjin on the sidelines of the SCO Summit. We reviewed the positive momentum in India-China relations since our last meeting in Kazan. We agreed on the importance of maintaining peace and tranquility in border areas and… pic.twitter.com/HBYS5lhe9d
— Narendra Modi (@narendramodi) August 31, 2025
ସେ ଆହୁରି ମଧ୍ୟ କହିଛନ୍ତି, ସୁରକ୍ଷା ଚ୍ୟାଲେଞ୍ଜ ଗୁଡିକ ସହ ସାମ୍ନା କରିବା ପାଇଁ ନୂଆ ନୂଆ ଶୈଳୀ ସହ ଶୀଘ୍ର ଏକ ଏସସିଓ ବିକାଶ ବ୍ୟାଙ୍କର ନିର୍ମାଣ ପାଇଁ ଆହ୍ୱାନ ଦେଇଛନ୍ତି । ଏସସିଓର ଅନ୍ୟ ସଦସ୍ୟ ଦେଶରେ ଚୀନର ନିବେଶ ପୂର୍ବରୁ ହିଁ ୮୪ ବିଲିୟନ ଡଲାରରୁ ଅଧିକ ହୋଇ ସାରିଛି । ସେ ଆହୁରି ମଧ୍ୟ କହିଛନ୍ତି, ସମସ୍ତ ଏସସିଓ ସଦସ୍ୟ ‘ମିତ୍ର ଓ ବୁଦ୍ଧିମାନ’ ଅଟନ୍ତି । ରଣନୈତିକ ସଞ୍ଚାର ରଖିବା, ଏକତାକୁ ମଜଭୁତ କରିବାକୁ ଆଗ୍ରହ ପ୍ରକାଶ କରିଛନ୍ତି । ସଂଯୁକ୍ତ ସହଯୋଗ ସମସ୍ତ ସଂସ୍କୃତିକୁ ‘ସମୃଦ୍ଧି ସଦ୍ଭାବକୁ ବୃଦ୍ଧି କରିବାର ନୂଆ ନୂଆ ସୁଯୋଗ ପ୍ରଦାନ କରିଥାଏ ।
