ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାରଠାରୁ ଦୁଇ ଦିନିଆ ସଂଯୁକ୍ତ ଆରବ ଏମିରେଟ୍ସ ଗସ୍ତରେ ଯିବେ। ୨୦୧୫ ପରଠାରୁ ମୋଦୀଙ୍କ ଏହା ସପ୍ତମ ଏବଂ ଗତ ୮ ମାସ ମଧ୍ୟରେ ତୃତୀୟ ଗସ୍ତ। ବୈଦେଶିକ ବ୍ୟାପାର ମନ୍ତ୍ରୀ କହିଛନ୍ତି ଯେ ଏହି ଗସ୍ତ ସମୟରେ ମୋଦି ୟୁଏଇ ରାଷ୍ଟ୍ରପତି ଶେଖ୍ ମହମ୍ମଦ ବିନ୍ ଜାଏଦଙ୍କ ସହ ଦ୍ୱିପାକ୍ଷିକ ବୈଠକ କରିବେ। ଦୁଇ ନେତା ଦ୍ୱିପାକ୍ଷିକ ସମ୍ପର୍କକୁ ସୁଦୃଢ଼ କରିବା, ରଣନୈତିକ ଭାଗିଦାରୀକୁ ସୁଦୃଢ଼ କରିବା, ଆଞ୍ଚଳିକ ଏବଂ ଅନ୍ତର୍ଜାତୀୟ ପ୍ରସଙ୍ଗରେ ସହମତି ସୃଷ୍ଟି କରିବା ଏବଂ ପାରସ୍ପରିକ ସ୍ୱାର୍ଥ ସମ୍ବନ୍ଧୀୟ ପ୍ରସଙ୍ଗ ଉପରେ ଆଲୋଚନା କରିବେ।
କଂଗ୍ରେସ ଉପରେ ବର୍ଷିଲେ ସାଂସଦ ପ୍ରତାପ ଷଡ଼ଙ୍ଗୀ, କହିଲେ ଦେଶକୁ ଏକାଠି କରିବେ ଭଗବାନ ରାମ
ପ୍ରଧାନମନ୍ତ୍ରୀ ମୋଦୀ ୟୁଏଇର ଉପରାଷ୍ଟ୍ରପତି ତଥା ପ୍ରତିରକ୍ଷା ମନ୍ତ୍ରୀ ମହମ୍ମଦ ବିନ୍ ରସିଦ୍ ଅଲ୍-ମକତୁନଙ୍କୁ ମଧ୍ୟ ସାକ୍ଷାତ କରିବେ। ପ୍ରଧାନମନ୍ତ୍ରୀ ‘ବିଶ୍ୱ ସରକାର ଶିଖର ସମ୍ମିଳନୀ-୨୦୨୪’ରେ ମଧ୍ୟ ଯୋଗ ଦେବେ। ଏହି ଅବସରରେ ମୋଦୀ ମୁଖ୍ୟ ଅତିଥି ଭାବେ ଯୋଗଦେଇ ଏକ ସ୍ବତନ୍ତ୍ର ବକ୍ତୃତା ପ୍ରଦାନ କରିବେ। ମୋଦି ଆବୁଧାବିର ପ୍ରଥମ ହିନ୍ଦୁ ମନ୍ଦିରକୁ ଉଦଘାଟନ କରିବେ। ସେ ଜାଏଦ ସ୍ପୋର୍ଟସ ସିଟିରେ ଭାରତୀୟ ସମୁଦାୟକୁ ସମ୍ବୋଧିତ କରିବେ।
ନ୍ୟାୟର ସାମ୍ବିଧାନିକ ମୂଲ୍ୟବୋଧ ‘ରାମରାଜ୍ୟ’ର ଆଦର୍ଶରୁ ପ୍ରେରିତ – ଲୋକସଭାରେ ରାମ ମନ୍ଦିର ସଂକଳ୍ପ ଗୃହୀତ
ମନ୍ତ୍ରଣାଳୟ କହିଛି, ୨୦୧୫ରେ ପ୍ରଧାନମନ୍ତ୍ରୀଙ୍କ ୟୁଏଇ ଗସ୍ତ ପରଠାରୁ ଦୁଇ ଦେଶ ମଧ୍ୟରେ ରଣନୈତିକ ଭାଗିଦାରୀରେ ଉନ୍ନତି ଘଟିଛି। ୨୦୨୨-୨୩ ବର୍ଷରେ ଦୁଇ ଦେଶ ମଧ୍ୟରେ ବାଣିଜ୍ୟ ୮୫ ବିଲିୟନ ଡଲାର ରହିଛି। ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ କ୍ଷେତ୍ରରେ ୟୁଏଇ ମଧ୍ୟ ଭାରତର ଶ୍ରେଷ୍ଠ ୪ ନିବେଶକଙ୍କ ମଧ୍ୟରେ ରହିଛି।
