ଫୁଲବାଣୀ:କନ୍ଧମାଳ ଜିଲା ଫିରିଙ୍ଗିଆ ଥାନା ବନ୍ଧଗଡଠାରେ ଏକ ଦୁର୍ଘଟଣା ଘଟି ଜଣେ ବୃଦ୍ଧାଙ୍କ ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି। ମୃତକା ଜଣକ ହେଲେ ବାଲିଖେତ ଗ୍ରାମର ସୁଶୀଳା ଶେଣ୍ଢ(୭୫) । ସୂଚନା ଅନୁଯାୟୀ, ସୁଶୀଳା ଆଜି ଦିନ ପ୍ରାୟ ୧୧ଟା ସମୟରେ ନିଜ ଘରୁ ବାହାରି ନିକଟସ୍ଥ ମିନି ବ୍ୟାଙ୍କକୁ ଭତ୍ତା ଟଙ୍କା ଉଠାଇବା ପାଇଁ ଯାଉଥିବା ବେଳେ ଫିରିଙ୍ଗିଆରୁ ବାଲିଗୁଡା ଆଡକୁ ଯାଉଥିବା ଏକ ବାଇକ(ନଂଓଡି ୧୨-ଏ-୧୨୮୫) ତାଙ୍କୁ ପଛରୁ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ସୁଶୀଳାଙ୍କ ମୃତ୍ୟୁ ହୋଇଥିଲା। ଅପରପକ୍ଷରେ ବାଇକ ଆରୋହୀ ରତଙ୍ଗ ଗ୍ରାମର କିରଣ ଦିଗାଲ ଓ ଚକାପାଦ ଥାନା ଲାଇନପଡାର ଆଲୋକ ଦିଗାଲ ଏହି ଦୁର୍ଘଟଣାରେ ଗୁରୁତର ହୋଇଛନ୍ତି। ଆହତ ମାନଙ୍କୁ ଫୁଲଵାଣୀ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ଜଣାପଡିଛି। ଫିରିଙ୍ଗିଆ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏ ସଂକ୍ରାନ୍ତରେ ଫିରିଙ୍ଗିଆ ଥାନାରେ ଏ ନେଇ ୧୬୯/୨୨ରେ ଏକ ମାମଲା ରୁଜୁ କରାଯାଇଛି।
Comments are closed.